நாங்கள் தோல்வியை ஒப்புக்கொள்கிறோம்: காங். மூத்த தலைவர் டிகே சிவக்குமார்

பெங்களூரு,

கர்நாடக சட்டமன்றத்தில் காலியாக இருந்த  15 தொகுதிகளுக்கு இடைத்தேர்தல் நடைபெற்றது. இந்த தேர்தலில் பதிவான வாக்குகள் இன்று எண்ணப்பட்டு வருகின்றன. ஆட்சியை தக்க வைக்க பாஜக குறைந்த பட்சம் 6 தொகுதிகளில் வெற்றி பெற வேண்டியது அவசியம் என்று இருந்த நிலையில்,  12 தொகுதிகளில் பாஜக முன்னிலை வகிக்கிறது. இதனால், எடியூரப்பா ஆட்சியை தக்க வைப்பது ஏறக்குறைய உறுதியாகியுள்ளது. 

காங்கிரஸ் போட்டியிட்ட 12 தொகுதிகளில் 9 -ல் தோல்வியை நோக்கி செல்கிறது. இந்த நிலையில்,  தோல்வியை ஒப்புக்கொள்வதாக காங்கிரஸ் மூத்த தலைவர் டிகே சிவக்குமார் தெரிவித்துள்ளார். செய்தியாளர்களுக்கு பேட்டி அளித்த அவர், “நாங்கள் தோல்வியை ஒப்புக்கொள்கிறோம். துரோகிகளை மக்கள் ஏற்றுக்கொண்டுள்ளனர்” என்றார்.