<
அன்று டீ விற்றவர், இன்று நாட்டின் பிரதமர் - மோடிக்கு டொனால்டு டிரம்ப் புகழாரம்
அன்று டீ விற்றவர், இன்று நாட்டின் பிரதமர் என நமஸ்தே டிரம்ப் நிகழ்ச்சியில் டொனால்டு டிரம்ப் மோடியை புகழ்ந்தார்.
அகமதாபாத்
அமெரிக்க ஜனாதிபதி டொனால்டு டிரம்ப் தனது மனைவி மெலனியா டிரம்புடன் இந்தியாவுக்கு வருகை தந்தார். விமானத்தில் இருந்து இறங்கிய டொனால்டு டிரம்ப் மற்றும் அவரது மனைவி மெலனியா டிரம்ப்பை பிரதமர் மோடி வரவேற்றார்.டொனால்டு டிரம்பை பிரதமர் மோடி ஆரத்தழுவி வரவேற்றார்.
டிரம்ப் அவரது மனைவி மெலனியா டிரம்ப் ஆகியோர் சபர்மதி ஆசிரமம் சென்று அங்கு சுற்றிப் பார்த்தனர். குரங்கு பொம்மைகள் சொல்லும் பாடம் குறித்து ஜனாதிபதி டிரம்ப்புக்கு பிரதமர் மோடி விளக்கினார். காந்தியடிகளின் ராட்டையை மனைவியோடு சேர்ந்து சுற்றி மகிழ்ந்தார் டிரம்ப்.
பின்னர் நமஸ்தே டிரம்ப் நிகழ்ச்சிக்காக உலகின் மிகப் பெரிய கிரிக்கெட் மைதானமான சர்தார் வல்லபாய் பட்டேல் மைதானத்திற்கு வந்தடைந்தார் அதிபர் டிரம்ப். அவர்கள் வந்த வழி நெடுகிலும் ஏராளமான பொதுமக்கள் மற்றும் மாணவர்கள் வரவேற்பு அளித்தனர்.
சர்தார் வல்லபாய் பட்டேல் மைதானத்தில் .பிரதமர் மோடியும், டொனால்டு டிரமப்பும் மேடைக்கு வந்தனர். நமஸ்தே டிரம்ப் நிகழ்ச்சி தொடங்கியது பிரதமர் மோடி பேசினார்.
நிகழ்ச்சியில் பேசிய ஜனாதிபதி டொனால்டு டிரம்ப் நமஸ்தே என தனது பேச்சை தொடங்கினார். அவர் கூறியதாவது:-
5 மாதங்களுக்கு முன்பு டெக்சாஸில் உள்ள ஒரு மாபெரும் கால்பந்து மைதானத்தில் அமெரிக்கா உங்கள் மாபெரும் பிரதமரை வரவேற்றது, இன்று இந்தியா அகமதாபாத்தில் உள்ள உலகின் மிகப்பெரிய கிரிக்கெட் மைதானத்தில் எங்களை வரவேற்கிறது.
இந்த விருந்தோம்பலை நாங்கள் எப்போதும் மறக்கமாட்டோம். இந்தியா நம் இதயத்தில் ஒரு சிறப்பு இடத்தைப் பிடிக்கும்.இந்தியாவின் நம்பிக்கைக்கு உரிய நட்பு நாடாக அமெரிக்க திகழும்
பிரதமர் மோடி 'டீ வாலா ' என்று தொடங்கினார், அவர் தேநீர் விற்பனையாளராக பணியாற்றினார். எல்லோரும் அவரை நேசிக்கிறார்கள், ஆனால் இதை நான் உங்களுக்குச் சொல்வேன், அவர் மிகவும் கடினமானவர்.அன்று டீ விற்றவர், இன்று நாட்டின் பிரதமர் .
பிரதமர் மோடி நீங்கள் குஜராத்தின் பெருமை மட்டும் அல்ல, கடின உழைப்பு மற்றும் பக்தியால், இந்தியர்கள் எதையும், எதை வேண்டுமானாலும் சாதிக்க முடியும் என்பதற்கு நீங்கள் ஒரு உதாரணமாக வாழ்கிறீர்கள். பிரதமர் நம்பமுடியாத எழுச்சியின் நகரும் கதை ஆகும். இந்தியாவிற்காக பிரதமர் மோடி இரவும் பகலும் உழைக்கிறார்.
இணையதளம், சமையல் எரிவாயு இணைப்பை நாடு முழுவதும் கொண்டு சேர்த்துள்ளார் பிரதமர் மோடி என கூறினார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
