தேசிய செய்திகள்

அமேசோனியா 1 செயற்கைக்கோள் ஏவும் பணி வெற்றி: பிரேசில் அதிபருக்கு பிரதமர் மோடி வாழ்த்து + "||" + Amazonia satellite launch mission a success: PM Modi congratulates Brazilian President

அமேசோனியா 1 செயற்கைக்கோள் ஏவும் பணி வெற்றி: பிரேசில் அதிபருக்கு பிரதமர் மோடி வாழ்த்து

அமேசோனியா 1 செயற்கைக்கோள் ஏவும் பணி வெற்றி:  பிரேசில் அதிபருக்கு பிரதமர் மோடி வாழ்த்து
அமேசோனியா 1 செயற்கைக்கோள் விண்ணில் ஏவும் பணி வெற்றியடைந்த நிலையில் பிரேசில் அதிபருக்கு பிரதமர் மோடி வாழ்த்து தெரிவித்து உள்ளார்.
புதுடெல்லி,

ஆந்திர மாநிலம் ஸ்ரீஹரிகோட்டாவில் உள்ள சதீஷ் தவான் விண்வெளி மையத்தில் இருந்து இன்று காலை 10.24 மணிக்கு பி.எஸ்.எல்.வி. சி-51 ராக்கெட், 19 செயற்கை கோள்களுடன் விண்ணில் செலுத்தப்பட்டது.

இந்த செயற்கை கோள்களில் பிரேசில் நாட்டின் அமேசோனியா 1 என்ற செயற்கைக்கோள் முதன்மையாகவும், அதுதவிர 18 செயற்கைக்கோள்களும் விண்ணில் ஏவப்பட்டுள்ளன.

பிரேசிலின் அமேசோனியா 1 என்ற செயற்கைக்கோளானது, அமேசான் காடுகள் அழிக்கப்படுவதை தடுக்கும் நோக்கில் அவற்றை கண்காணிக்கவும், பிரேசில் நாடு முழுவதும் விவசாயம் சார்ந்த புவிசார் ஆய்வுக்காகவும் ஏவப்பட்டுள்ளது.

இந்த முதன்மை செயற்கைக்கோளானது, ராக்கெட்டில் இருந்து வெற்றிகரமுடன் பிரிந்து உள்ளது என இஸ்ரோ அறிவித்து உள்ளது.  இதேபோன்று ராக்கெட்டில் இருந்து மற்ற 18 செயற்கைக்கோள்களும் பிரிந்து உள்ளன என்றும் இஸ்ரோ தெரிவித்துள்ளது.

ராக்கெட் ஏவப்பட்ட நிகழ்வு வெற்றியடைந்த நிலையில், இது ஒரு வரலாற்று தருணம் என்று குறிப்பிட்டு பிரேசில் அதிபர் ஜெய்ர் பொல்சனரோவுக்கு பிரதமர் மோடி தனது வாழ்த்துகளை தெரிவித்து கொண்டார்.

இதுபற்றி தனது டுவிட்டரில் பிரதமர் மோடி வெளியிட்ட செய்தியில், பி.எஸ்.எல்.வி. சி-51 ராக்கெட்டால் பிரேசிலின் அமேசோனியா 1 செயற்கைக்கோள் விண்ணில் ஏவப்பட்டு வெற்றியடைந்ததற்காக பிரேசில் அதிபர் ஜெய்ர் பொல்சனரோவுக்கு என்னுடைய வாழ்த்துகள்.

நம்முடைய விண்வெளி ஒத்துழைப்பில் இது ஒரு வரலாற்று தருணம்.  பிரேசில் நாட்டு விஞ்ஞானிகளுக்கு எனது வாழ்த்துகள் என தெரிவித்து கொண்டார்.  ராக்கெட் ஏவும்பொழுது, சதீஷ் தவான் விண்வெளி மையத்தில் பிரேசில் நாட்டு குழுவினரும் இருந்தனர்.

தொடர்புடைய செய்திகள்

1. மியாமி ஓபன் டென்னிஸ்: கால்இறுதியில் நவோமி ஒசாகா, பியான்கா
மியாமி ஓபன் டென்னிஸ் போட்டியில் ஜப்பான் வீராங்கனை நவோமி ஒசாகா, கனடாவின் பியான்கா ஆகியோர் கால்இறுதிக்கு முன்னேறியுள்ளனர்.
2. இலங்கை அணிக்கு எதிரான கடைசி ஒரு நாள் போட்டியிலும் வெஸ்ட்இண்டீஸ் வெற்றி
இலங்கைக்கு எதிரான கடைசி ஒரு நாள் போட்டியிலும் வெஸ்ட்இண்டீஸ் அணி வெற்றி பெற்றது.
3. ஆந்திர பிரதேச உள்ளாட்சி தேர்தல்; அதிக இடங்களை கைப்பற்றிய ஆளும் ஒய்.எஸ்.ஆர். காங்கிரஸ்
ஆந்திர பிரதேசத்தில் உள்ளாட்சி அமைப்புகளுக்கான தேர்தலில் பெருவாரியான இடங்களை ஆளும் ஒய்.எஸ்.ஆர். காங்கிரஸ் கட்சி கைப்பற்றி உள்ளது.
4. சர்வதேச பெண்கள் தினம்: அமீரக துணை அதிபர் வாழ்த்து
சர்வதேச பெண்கள் தினத்தையொட்டி அமீரக துணை அதிபரும், பிரதமரும், துபாய் ஆட்சியாளருமான மேதகு ஷேக் முகம்மது பின் ராஷித் அல் மக்தூம் வாழ்த்து தெரிவித்துள்ளார்.
5. ‘ஏ’ டிவிசன் கைப்பந்து லீக்: இந்தியன் வங்கி அணி வெற்றி
சென்னை மாவட்ட கைப்பந்து சங்கம் சார்பில் டாக்டர் ரேலா மருத்துவ மையம் மற்றும் ஆச்சி குரூப் நிறுவனங்கள் ஆதரவுடன் ‘ஏ’ டிவிசன் கைப்பந்து லீக் சாம்பியன்ஷிப் போட்டி சென்னை எழும்பூரில் உள்ள மேயர் ராதாகிருஷ்ணன் ஸ்டேடியத்தில் நேற்று தொடங்கியது.