தேசிய செய்திகள்

சுப்ரீம் கோர்ட் நீதிபதி பதவிக்கு 3 பெண் நீதிபதிகள் பரிந்துரை தகவல் - தலைமை நீதிபதி வருத்தம் + "||" + Chief Justice Upset With Reports On Supreme Court Panel Recommendations On Judges' Appointments

சுப்ரீம் கோர்ட் நீதிபதி பதவிக்கு 3 பெண் நீதிபதிகள் பரிந்துரை தகவல் - தலைமை நீதிபதி வருத்தம்

சுப்ரீம் கோர்ட்  நீதிபதி பதவிக்கு 3 பெண் நீதிபதிகள் பரிந்துரை தகவல் - தலைமை நீதிபதி வருத்தம்
நீதிபதிகளை நியமிக்கும் செயல்முறை புனிதமானது மற்றும் அதனுடன் குறிப்பிட்ட கண்ணியம் உள்ளது என சுப்ரீம் கோர்ட் தலைமை நீதிபதி என்.வி ரமணா வருத்தம்
புதுடெல்லி: 

இந்திய தலைமை நீதிபதி தலைமையிலான நீதிபதிகள் தேர்வுக் குழு (கொலீஜியம்) மூன்று பெண் நீதிபதிகள் உள்பட ஒன்பது நீதிபதிகளின் பெயர்களை மத்திய அரசுக்கு பரிந்துரைத்துள்ளது.

தற்போது, ​​சுப்ரீம் கோர்ட்டில்  ஒன்பது நீதிபதிகள் பற்றாக்குறை உள்ளது, ஏனெனில் கடந்த ஓரிரு வருடங்களில் பல நீதிபதிகள் ஓய்வு பெற்றனர், சமீபத்தில் நீதிபதி ரோஹிண்டன் பாலி நாரிமன் ஓய்வு பெற்றார்.

இந்த நிலையில் சுப்ரீம் கோர்ட்  நீதிபதி பதவிக்கு கர்நாடக ஐகோர்ட்  நீதிபதி பி.வி. நாகரத்னா, தெலங்கானா ஐகோர்ட் தலைமை நீதிபதி ஹிமா கோலி மற்றும் குஜராத் ஐகோர்ட்  நீதிபதி பெலா திரிவேதி ஆகிய மூன்று பெண் நீதிபதிகளின் பெயர்கள் பரிந்துரைக்கப்பட்டுள்ளன என இன்று செய்திகள்  வெளியானது.

இந்த நிலையில் புதிய நீதிபதிகள் குறித்த சுப்ரீம் கோர்ட் கொலீஜியத்தின் பரிந்துரைகள் குறித்த ஊடக செய்திகள்  மிகுந்த மன வருத்தத்தை அளிப்பதாக சுப்ரீம் கோர்ட்டு  தலைமை நீதிபதி என்.வி ரமணா தெரிவித்து உள்ளார். 

இதுகுறித்து அவர் கூறியதாவது:-

நீதிபதிகளை நியமிக்கும் செயல்முறை புனிதமானது மற்றும் அதனுடன் குறிப்பிட்ட கண்ணியம் உள்ளது. ஊடக நண்பர்கள் இந்த செயல்முறையின் புனிதத்தை புரிந்துகொண்டு அங்கீகரிக்க வேண்டும்

பொறுப்பற்ற அறிக்கையினால் தகுதியுள்ள நபர்கள் பாதிக்கப்படும்  சம்பவங்கள் உள்ளன.  நான் மிகவும் வருத்தப்படுகிறேன். பெரும்பாலான மூத்த பத்திரிகையாளர்கள்  முதிர்ச்சி மற்றும் பொறுப்பை நான் பாராட்டுகிறேன் என கூறினார்.

தொடர்புடைய செய்திகள்

1. டெல்லியில் தேவைப்பட்டால் 2 நாட்கள் ஊரடங்கு; சுப்ரீம் கோர்ட் அறிவுறுத்தல்
காற்று மாசுவை தடுக்க எடுக்கப்பட்டுள்ள நடவடிக்கை குறித்து பதிலளிக்க மத்திய அரசுக்கு சுப்ரீம் கோர்ட் உத்தரவிட்டது.
2. பத்மநாப சுவாமி கோவில் அறக்கட்டளையின் கோரிக்கை நிராகரிப்பு - சுப்ரீம் கோர்ட்டு
வகாரத்தில் திருவிதாங்கூா் அரச குடும்பத்தின் அறக்கட்டளைக்கு விலக்களிக்க சுப்ரீம் கோர்ட்டு மறுத்துவிட்டது.
3. சமூக ஊடகங்கள் மற்றும் இணையதளங்களில் போலி செய்திகள் -சுப்ரீம் கோர்ட் கவலை
சமூக ஊடகங்கள் மற்றும் இணையதளங்களில் போலி செய்திகள் பரவுவது குறித்து சுப்ரீம் கோர்ட் கவலை தெரிவித்து உள்ளது.
4. சுப்ரீம் கோர்ட்: முதல் முறையாக ஒரே நாளில் 9 நீதிபதிகள் பதவி ஏற்பு
9 நீதிபதிகளுக்கும் இன்று ஜனாதிபதி மாளிகையில் நடைபெற்ற நிகழ்ச்சியில் பதவிப் பிரமாணம் செய்து வைக்கப்பட்டது .
5. சுப்ரீம் கோர்ட்டுக்கு 3 பெண் நீதிபதிகள் உள்பட புதிதாக 9 நீதிபதிகள் நியமனம் மத்திய அரசு ஒப்புதல்
சுப்ரீம் கோர்ட்டில் காலியாக உள்ள நீதிபதிகள் பணியிடங்களை நிரப்புவதற்கு நீதிமன்ற கொலீஜியம் பரிந்துரைத்த 9 பேரின் பெயர்களுக்கு மத்திய அரசு ஒப்புதல் அளித்துள்ளது.