<
இந்தியாவுக்குள் சட்டவிரோதமாக நுழைய முயன்ற வங்காளதேசத்தினர் 3 பேர் கைது - போதைபொருள் பறிமுதல்
95 கிலோ போதைப்பொருளுடன் இந்தியாவுக்குள் சட்டவிரோதமாக நுழையமுயன்ற வங்காளதேசத்தினர் 3 பேரை எல்லைப்பாதுகாப்பு படையினர் கைது செய்தனர்.
கவுகாத்தி,
அசாம் மாநிலத்தில் உள்ள இந்தியா-வங்காளதேச நாடுகளின் சர்வதேச எல்லைப்பகுதியில் நேற்று இரவு எல்லைப்பாதுகாப்பு படையினர் வழக்கமான பாதுகாப்பு பணியில் ஈடுபட்டுக்கொண்டிருந்தனர்.
அப்போது, வங்காளதேசத்தில் இருந்து எல்லை வழியாக சட்டவிரோதமாக 3 பேர் இந்திய எல்லைக்குள் நுழைந்தனர். அவர்களை சுற்றிவளைத்து பிடித்த பாதுகாப்பு படையினர் அவர்களிடம் விசாரணை நடத்தினர்.
அந்த விசாரணையில் பிடிபட்ட 3 பேரும் வங்காளதேசத்தை சேர்ந்த கடத்தல் கும்பல் என்பது தெரியவந்தது. அந்த கும்பலிடம் இருந்து 95 கிலோ போதைபொருளை பாதுகாப்பு படையினர் பறிமுதல் செய்தனர்.
இதனை தொடர்ந்து பிடிபட்ட வங்காளதேசத்தினர் 3 பேரையும் கைது செய்த எல்லைப்பாதுகாப்பு படையினர் அவர்களை மாநில போலீசாரிடம் ஒப்படைத்தனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
