<
ஜம்மு காஷ்மீரில் 2 மாதங்களில் இல்லாத அளவுக்கு தொற்று பாதிப்பு அதிகரிப்பு
ஜம்மு காஷ்மீரில் மேலும் 204- பேருக்கு கொரோனா தொற்று உறுதி செய்யப்பட்டுள்ளது.
ஸ்ரீநகர்,
ஜம்மு காஷ்மீரில் கடந்த 24 மணி நேரத்தில் 204- பேருக்கு கொரோனா வைரஸ் தொற்று உறுதி செய்யப்பட்டுள்ளது. காஷ்மீரில் கடந்த 2 மாதங்களுக்குப் பிறகு இன்று தொற்று பாதிப்பு 200-ஐ தாண்டியுள்ளது. ஜம்மு காஷ்மீரில் யூனியன் பிரதேசத்தில் இதுவரை தொற்று உறுதி செய்யப்பட்டவர்கள் எண்ணிக்கை 3 லட்சத்து 28 ஆயிரத்து 418 ஆக உயர்ந்துள்ளது.
ஆறுதல் அடையும் வகையில் ஜம்மு காஷ்மீரில் இன்று தொற்று பாதிப்பால் உயிரிழப்பு எதுவும் ஏற்படவில்லை. இன்று தொற்று பாதிப்பு உறுதி செய்யப்பட்ட 204 பேரில் 45 பேர் ஜம்மு டிவிஷனையும் 159 பேர் காஷ்மீர் டிவிஷனையும் சேர்ந்தவர்கள்.
ஜம்மு காஷ்மீரில் கடந்த ஜூலை 16 ஆம் தேதி 221 பேருக்கு தொற்று உறுதியானது. அதன்பிறகு தற்போதுதான் தொற்று பாதிப்பு 200-ஐ தாண்டி பதிவாகியுள்ளது. ஜம்மு காஷ்மீரில் தொற்று பாதிப்புடன் சிகிச்சையில் உள்ளவர்கள் எண்ணிக்கை 1,536- ஆக உள்ளது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
