தேசிய செய்திகள்

முழு அடைப்பு போராட்டம்: பெங்களூருவில் பாதுகாப்பு பணியில் 4 ஆயிரம் போலீசார் + "||" + Full blockade protest 4000 policemen on security duty in Bangalore

முழு அடைப்பு போராட்டம்: பெங்களூருவில் பாதுகாப்பு பணியில் 4 ஆயிரம் போலீசார்

முழு அடைப்பு போராட்டம்: பெங்களூருவில் பாதுகாப்பு பணியில் 4 ஆயிரம் போலீசார்
முழு அடைப்பையொட்டி பெங்களூருவில் முன் எச்சரிக்கையாக பலத்த பாதுகாப்பு ஏற்பாடுகள் செய்யப்பட்டுள்ளது.
பெங்களூரு, 

புதிய வேளாண் சட்டங்களுக்கு எதிராக நாடு தழுவிய முழு அடைப்பு போராட்டத்திற்கு விவசாயி சங்கங்கள் சார்பில் அழைப்பு விடுக்கப்பட்டுள்ளது. இந்த முழு அடைப்புக்கு கர்நாடகத்திலும் விவசாய சங்கங்கள் ஆதரவு தெரிவித்துள்ளன. முழு அடைப்பையொட்டி பெங்களூருவில் முன் எச்சரிக்கையாக பலத்த பாதுகாப்பு ஏற்பாடுகள் செய்யப்பட்டுள்ளது. நகரில் முக்கியமான பகுதிகளில் போலீசார் குவிக்கப்பட்டு பாதுகாப்பு பணியில் ஈடுபட உள்ளனர்.

இது குறித்து போலீஸ் கமிஷனர் கமல்பந்த் செய்தியாளர்களிடம் பேசுகையில், முழு அடைப்பின் போது சிறிய அளவிலான அசம்பாவிதங்கள் கூட நடைபெறாமல் தடுக்க தேவையான நடவடிக்கை எடுக்கும்படி அனைத்து துணை போலீஸ் கமிஷனர்களுக்கும் உத்தரவிடப்பட்டுள்ளதாக தெரிவித்தார்.

முழு அடைப்பையை யொட்டி 2 கூடுதல் போலீஸ் கமிஷனர்கள், 2 இணை போலீஸ் கமிஷனர்கள், 11 துணை போலீஸ் கமிஷனர்கள், 45 பிளட்டூன் கர்நாடக ஆயுதப்படை, 21 பிளட்டூன் நகர ஆயுதப்படை போலீசார் உள்பட 4 ஆயிரம் பேர் பாதுகாப்பு பணியில் ஈடுபட உள்ளதாக அவர் கூறினார். மேலும் முழு அடைப்பை காரணம் காட்டி பெங்களூருவில் பலவந்தமாக கடைகளை அடைக்க வலியுறுத்துவது, பொது போக்குவரத்துக்கு இடையூறு செய்தல் உள்ளிட்ட செயல்களில் ஈடுபட்டால் சட்டப்படி கடுமையான நடவடிக்கை எடுக்கப்படும் என்று அவர் தெரிவித்துள்ளார்.

தொடர்புடைய செய்திகள்

1. பெங்களூருவில் கடந்த 10 மாதங்களில் 3 ஆயிரம் கிலோ போதைப்பொருட்கள் பறிமுதல்
கடந்த 10 மாதங்களில் பெங்களூருவில் ரூ.45 கோடி மதிப்பிலான போதைப்பொருட்கள் பறிமுதல் செய்யப்பட்டு இருப்பதாக தெரிவிக்கப்பட்டுள்ளது.
2. பெங்களூருவில் போலீஸ் குடியிருப்பில் திடீர் விரிசல் - 32 குடும்பத்தினரை வெளியேற்ற அதிகாரிகள் முடிவு
பெங்களூருவில் போலீஸ் குடியிருப்பில் திடீரென விரிசல் ஏற்பட்டு உள்ளது. இதனால் அந்த கட்டிடத்தில் வசித்து வரும் 32 குடும்பத்தினரை வெளியேற்ற அதிகாரிகள் முடிவு செய்து உள்ளனர்.
3. பெங்களூருவில் இரவு நேர ஊரடங்கு நீட்டிப்பு
பெங்களூருவில் இரவு நேர ஊரடங்கு நீட்டிப்பு செய்யப்பட்டு உள்ளது.
4. பெங்களூருவில் கொட்டி தீர்த்த கனமழை
பெங்களூருவில் கொட்டி தீர்த்த கனமழையால் இந்திராநகரில் உள்ள ராணுவ பயிற்சி மையத்தின் சுவர் இடிந்து விழுந்தது. இதில் 10 வாகனங்கள் சேதம் அடைந்தன. மேலும் மெஜஸ்டிக் செல்லும் வழியில் உள்ள ரெயில்வே மேம்பால சுவரும் இடிந்து விழுந்ததால் பரபரப்பு உண்டானது.
5. பெங்களூருவில் கனமழை கொட்டியது
பெங்களூருவில் நேற்று கனமழை கொட்டியது. இதனால் சாலைகளில் வெள்ளம் தேங்கி நின்றது.