புதுச்சேரியில் பெட்ரோல் விலை ரூ.106.98க்கு விற்பனை

புதுச்சேரி,

சர்வதேச சந்தையில் நிலவும் கச்சா எண்ணெய் விலைக்கேற்ப இந்தியாவில் பெட்ரோல் மற்றும் டீசல் விலையை நிர்ணயிக்கும் நடைமுறையை எண்ணெய் நிறுவனங்கள் கடைப்பிடித்து வருகின்றன. அதன்படி, பெட்ரோல், டீசல் விலை தினசரி நிர்ணயிக்கப்படுகிறது.  சர்வதேச சந்தையில் கச்சா எண்ணெய்  விலை உயர்வை சந்தித்துள்ளதால், இந்தியாவில் வரலாறு காணாத அளவில் பெட்ரோல், டீசல் விலை உயர்ந்துள்ளது.

சென்னையில் பெட்ரோல் விலை இன்று லிட்டர் ஒன்றுக்கு 30 காசுகள் அதிகரித்து ரூ.106.04க்கும் மற்றும் டீசல் விலை 33 காசுகள் அதிகரித்து ரூ.102.25க்கும் விற்பனை செய்யப்பட்டது.

இந்த விலை உயர்வு இன்று காலை முதல் அமலுக்கு வந்தது.  இந்த நிலையில், புதுச்சேரியில் பெட்ரோல் விலை 34 காசுகள் உயர்ந்து ரூ.106.98க்கு விற்பனை செய்யப்படுகிறது.  இதேபோன்று, டீசல் விலை 36 காசுகள் உயர்ந்து ரூ.102.18க்கு விற்கப்படுகிறது.  புதுச்சேரியில் பெட்ரோல் விலை ரூ.107ஐ நெருங்கியுள்ள நிலையில் வாகன ஓட்டிகள் கலக்கம் அடைந்து உள்ளனர்.