தேசிய செய்திகள்

மோடி அரசுக்கு தேசத்தை காக்கும் திறன் இல்லை- ராகுல் காந்தி பாய்ச்சல் + "||" + Manipur Attack Shows PM Modi Incapable Of Protecting Nation: Rahul Gandhi

மோடி அரசுக்கு தேசத்தை காக்கும் திறன் இல்லை- ராகுல் காந்தி பாய்ச்சல்

மோடி அரசுக்கு தேசத்தை காக்கும் திறன் இல்லை- ராகுல் காந்தி பாய்ச்சல்
மணிப்பூர் மாநிலத்தில் பயங்கரவாதிகள் நடத்திய தாக்குதலில் ராணுவ அதிகாரி, மனைவி, மகன், 4 வீரர்கள் என 7 பேர் பலியாகினர்.
புதுடெல்லி,

மணிப்பூர் மாநிலத்தில் உள்ள மியான்மர் நாட்டின் எல்லையை ஒட்டிய பகுதியான சூராசந்த்பூரில் நேற்று  அசாம் ரைபிள்ஸ் படைப்பிரிவினரை குறிவைத்து பயங்கரவாதிகள் தாக்குதல் நடத்தினர். இந்த தாக்குதலில்  கர்னல் விப்லாவ் திரிபாதி.  அவரது மனைவி அனுஜா, 6 வயது மகன் அபீர் மற்றும் 4 வீரர்கள் சுட்டுக்கொல்லப்பட்டனர். 

மேலும் சில வீரர்கள் படுகாயம் அடைந்தனர்.  இந்த சம்பவம், அந்த மாநிலத்தையே உலுக்கி உள்ளது. இந்த பயங்கரவாத தாக்குதலை நடத்தியவர்கள், பிரிபாக் என்று அழைக்கப்படுகிற மக்கள் புரட்சிகர கட்சியை சேர்ந்தவர்கள், இந்த அமைப்பினர் தனி மாநிலம் கோரி ஆயுதப்போராட்டம் நடத்தி வருபவர்கள் ஆவார்கள்.  பயங்கரவாதிகளின் தாக்குதலுக்கு பிரதமர் மோடி, பாதுகாப்புத்துறை மந்திரி ராஜ்நாத் சிங் உள்ளிட்டோர் கடும் கண்டனம் தெரிவித்தனர். 

இந்த நிலையில், மணிப்பூரில் பயங்கரவாதிகள் நடத்திய தாக்குதல், பிரதமர் மோடியால் இந்த தேசத்தை பாதுகாக்க முடியாது என்பதை காட்டுகிறது என ராகுல் காந்தி கடுமையாக சாடியுள்ளார். ராகுல் காந்தி இது குறித்து கூறுகையில்,  மணிப்பூரில் ராணுவ வாகன அணி வகுப்பு மீது பயங்கரவாதிகள் நடத்திய தாக்குதல், பிரதமர் மோடியால் இந்த தேசத்தை பாதுகாக்க முடியாது என்பதை மீண்டும் நிரூபணம் செய்துள்ளது. 

 உயிர் தியாகம் செய்த வீரர்களுக்கும் அவர்களது குடும்பத்தினருக்கும் ஆழந்த இரங்கல்களை தெரிவித்துக்கொள்கிறேன்.  உங்களின் தியாகத்தை தேசம் எப்போதும் நினைவில் வைத்திருக்கும்” எனப்பதிவிட்டுள்ளார். 


தொடர்புடைய செய்திகள்

1. பிரதமர் மோடியின் பொதுக்கூட்டங்களால் அதிகரித்த கொரோனா..!! எதிர்க்கட்சிகள் குற்றச்சாட்டு
இமாசலபிரதேசம், திரிபுரா ஆகிய மாநிலங்களில் கொரோனா அதிகரித்ததற்கு பிரதமர் மோடி நடத்திய பொதுக்கூட்டங்களே காரணம் என்று காங்கிரஸ், கம்யூனிஸ்டு கட்சிகள் குற்றம் சாட்டின.
2. வெறுப்புணர்வை வீழ்த்த தேர்தலே சரியான தருணம்: ராகுல்காந்தி
வட மாநிலங்களில் தேர்தல் நடைபெறும் நிலையில், ராகுல் காந்தி டுவிட்டர் பதிவு.
3. வெறுப்பை வீழ்த்த தேர்தல் சரியான நேரம்: ராகுல் காந்தி
வெறுப்பை பரப்புவர்களை வீழ்த்த தேர்தல் சரியான தருணம் என்று காங்கிரஸ் எம்.பி ராகுல் காந்தி தெரிவித்துள்ளார்.
4. வெறுப்புணர்வை தூண்டுபவர்களுக்கு உங்களது அமைதி தைரியம் அளிக்கிறது: பிரதமருக்கு ஐஐஎம் மாணவர்கள் கடிதம்
சமீபத்தில் ஹரித்வாரில் நடைபெற்ற நிகழ்ச்சி ஒன்றில், முஸ்லீம்களுக்கு எதிராக இந்து மத தலைவர்கள் பேசியது பெரும் சர்ச்சையை ஏற்படுத்தியது.
5. கச்சா எண்ணெய் விலை குறைவு: எரிபொருள் விலையை குறைக்க ராகுல் காந்தி வலியுறுத்தல்
சர்வதேச சந்தையில் கச்சா எண்ணெய் விலை குறைந்து வருவதாகவும் இந்தியாவில் பெட்ரோல், டீசல் விலையை குறைக்க வேண்டும் எனவும் காங்கிரஸ் எம்.பி ராகுல் காந்தி வலியுறுத்தியுள்ளார்.