மதுவிற்ற 2 பேர் கைது

திண்டுக்கல்லை அடுத்த ஏ.வெள்ளோடு, கள்ளிப்பட்டி பகுதிகளில் அனுமதியின்றி மதுபானம் விற்கப்படுவதாக திண்டுக்கல் மதுவிலக்கு போலீஸ் துணை சூப்பிரண்டு நாகராஜனுக்கு புகார் வந்தது. இதையடுத்து அந்த பகுதிகளில் ரோந்து செல்ல போலீசாருக்கு அவர் உத்தரவிட்டார். அதன்பேரில் போலீஸ் சப்-இன்ஸ்பெக்டர் முத்துக்குமார் மற்றும் போலீசார் ஏ.வெள்ளோடு, கள்ளிப்பட்டி பகுதிகளில் தீவிர ரோந்து சென்றனர்.

அப்போது அந்த பகுதிகளில் சந்தேகப்படும்படி நின்ற 2 பேரை பிடித்து விசாரித்தனர். அதில் அவர்கள் ஏ.வெள்ளோடு பகுதியை சேர்ந்த ஜான் பீட்டர் (வயது 40), கள்ளிப்பட்டி பகுதியை சேர்ந்த எட்வின் (25) என்பதும், மதுபானம் விற்றதும் தெரியவந்தது. இதையடுத்து 2 பேரையும் போலீசார் கைது செய்தனர். மேலும் அவர்களிடம் இருந்து 100 மதுபான பாட்டில்களையும் பறிமுதல் செய்தனர்.