மாநில செய்திகள்

20 நாட்களில் தங்கம் விலை பவுனுக்கு ரூ.2,784 குறைந்தது + "||" + Gold price fell by Rs 2,784 per pound in 20 days

20 நாட்களில் தங்கம் விலை பவுனுக்கு ரூ.2,784 குறைந்தது

20 நாட்களில் தங்கம் விலை பவுனுக்கு ரூ.2,784 குறைந்தது
தங்கம் விலை கடந்த 20 நாட்களில் பவுனுக்கு ரூ.2,784 குறைந்தது. சென்னையில் ஒரு பவுன் தங்கம் ரூ.36,592-க்கு விற்பனை செய்யப்படுகிறது.
சென்னை,

தமிழகத்தில் தங்கம் விலை கடந்த ஜூலை மாதம் 27-ந் தேதி அன்று ஒரு பவுன் ரூ.40 ஆயிரத்தை கடந்து வரலாற்று சாதனை படைத்தது. இது பெண்கள் மத்தியில் கவலையை ஏற்படுத்தியது. தங்கம் விலை தொடர்ந்து உச்சம் தொடுமோ? என்று கருதிய வேளையில், கடந்த ஆகஸ்டு 24-ந் தேதி ஒரு பவுன் ரூ.40 ஆயிரத்துக்கு கீழ் இறங்கியது. அதன் பின்னர் தங்கம் விலையில் ஏற்ற-இறக்கம் காணப்பட்டது.

இந்த நிலையில் கடந்த சில நாட்களாக தங்கம் விலையில் சற்று சரிவு காணப்படுகிறது. சென்னையில் கடந்த 20 நாட்களில் மட்டும் கிராமுக்கு ரூ.348-ம், பவுனுக்கு ரூ.2,784-ம் விலை குறைந்துள்ளது. அதாவது, கடந்த 9-ந் தேதி அன்று ஒரு கிராம் தங்கம் ரூ.4,922-க்கும், பவுன் ரூ.39,376-க்கும் விற்பனை செய்யப்பட்டது. நேற்றைய நிலவரப்படி சென்னையில் ஒரு கிராம் தங்கம் ரூ.4,574-க்கும், பவுன் ரூ.36,592-க்கும் விற்பனையானது.

தங்கம் விலையை போன்று வெள்ளி விலையும் குறைந்துள்ளது. சென்னையில் கடந்த 20-ந் தேதி வெள்ளி ஒரு கிராம் 66 ரூபாய் 80 காசுக்கும், கிலோ ரூ.66 ஆயிரத்து 800-க்கும் விற்பனையானது. அந்த வகையில் வெள்ளி கிராமுக்கு 2 ரூபாய் 10 காசும், கிலோவுக்கு ரூ.2,100-ம் விலை குறைந்துள்ளது. நேற்றைய நிலவரப்படி வெள்ளி ஒரு கிராம் 64 ரூபாய் 70 காசுக்கும், கிலோ ரூ.64 ஆயிரத்து 700-க்கும் விற்பனை செய்யப்பட்டது.

தங்கம் விலை பட்டியலில் குறைவு காணப்பட்டாலும் செய்கூலி, சேதாரம் எல்லாம் சேர்த்தால், விலை எகிறி விடுகிறது என்பது பொதுமக்களின் மனகுமுறலாக இருக்கிறது.