அந்தியூர் கூட்டுறவு சங்கத்தில் ரூ.3½ லட்சத்துக்கு வாழைத்தார்கள் ஏலம்

அந்தியூர்

அந்தியூர் புதுப்பாளையம் வேளாண்மை உற்பத்தியாளர் கூட்டுறவு சங்கத்தில் வாழைத்தார்கள் ஏலம் நடைபெற்றது. இந்த ஏலத்துக்கு அந்தியூர், அத்தாணி, ஆப்பக்கூடல், வெள்ளித்திருப்பூர், கள்ளிப்பட்டி, கீழ்வாணி, மூங்கில்பட்டி, வேம்பத்தி உள்பட பல்வேறு பகுதிகளில் இருந்து 2 ஆயிரத்து 70 வாழைத்தார்களை விற்பனைக்காக கொண்டு வந்திருந்தனர். இதில் கதலி வாழைப்பழம் கிலோ ஒன்று ரூ28-க்கும், நேந்திரன் ரூ.29-க்கும் விற்பனை ஆனது. பூவன் (தார் ஒன்று) ரூ.450-க்கும், செவ்வாழை ரூ.620-க்கும், ரஸ்தாளி ரூ.430-க்கும், தேன்வாழை ரூ.400-க்கும், மொந்தன் ரூ.250-க்கும், ரொபஸ்டா ரூ.280-க்கும் விற்பனை செய்யப்பட்டது. வாழைத்தார் மொத்தம் ரூ.3 லட்சத்து 54 ஆயிரத்துக்கு ஏலம் போனது. ஈரோடு, பெருந்துறை, திருப்பூர், கோவை, சத்தியமங்கலம், பெருந்துறை, திருப்பூர் உள்பட பல்வேறு பகுதிகளில் இருந்து ஏராளமான வியாபாரிகள் இங்கு வந்து வாழைத்தார்களை வாங்கி சென்றனர்.