கொக்கலாடி முத்துமாரியம்மன் கோவிலில் தீமிதி திருவிழா

திருத்துறைப்பூண்டி அருகே உள்ள கொக்கலாடி முத்துமாரியம்மன் கோவிலில் சித்திரை திருவிழா நடைபெற்று வருகிறது. விழாவில் தினமும் சாமி வீதி உலாவும், சிறப்பு அபிஷேக ஆராதனையும் நடைபெற்றது. விழாவில் நேற்று ஏராளமான பக்தர்கள் காவடி, பால்குடம் எடுத்து வந்து அர்ச்சனை செய்தும், மாவிளக்கு போட்டும் அம்மனை வழிபட்டனர். அதனைத்தொடர்ந்து தீமிதி விழா நடைபெற்றது. கோவில் முன்பு அமைக்கப்பட்டிருந்த தீக்குண்டத்தில் திரளான பக்தர்கள் இறங்கி நேர்த்திக்கடன் செலுத்தினர். விழா ஏற்பாடுகளை விழா குழுவினர் மற்றும் கொக்கலாடி கிராம மக்கள் செய்திருந்தனர்.