சத்தி மார்க்கெட்டில் மல்லிகைப்பூ கிலோ ரூ.600-க்கு ஏலம்

சத்தியமங்கலம்

சத்தியமங்கலம் கரட்டூர் ரோட்டில் பூ மார்க்கெட் உள்ளது. இங்கு நாள்தோறும் காலை 7 மணி முதல் மாலை 4 மணி வரை பூக்கள் ஏலம் நடைபெறும். நேற்று நடந்த ஏலத்துக்கு விவசாயிகள் 6½ டன் பூக்களை கொண்டு வந்திருந்தனர். இதில் மல்லிகைப்பூ கிலோ ரூ.600-க்கும், முல்லை ரூ.200-க்கும், காக்கடா ரூ.300-க்கும், செண்டுமல்லி ரூ.56-க்கும், பட்டுப்பூ ரூ.135-க்கும், ஜாதிமல்லி ரூ.400-க்கும், கனகாம்பரம் ரூ.450-க்கும், சம்பங்கி ரூ.60-க்கும், அரளி ரூ.120-க்கும், துளசி ரூ.50-க்கும், செவ்வந்தி ரூ.200-க்கும் ஏலம் போனது.