ரூ.21.86 லட்சத்துக்கு பட்டுக்கூடு விற்பனை

தர்மபுரியில் பட்டு வளர்ச்சித்துறை சார்பில் செயல்பட்டு வரும் பட்டுக்கூடுகள் ஏல அங்காடிக்கு நேற்று பல்வேறு மாவட்டங்களில் இருந்து விவசாயிகள் 3,491 கிலோ பட்டுக்கூடுகளை விற்பனைக்கு கொண்டு வந்தனர். நேற்று முன்தினம் அதிகபட்சமாக ஒரு கிலோ ரூ.772-க்கு விற்பனையான பட்டுக்கூடு நேற்று கிலோவிற்கு ரூ.56 விலை குறைந்தது. ஒரு கிலோ பட்டுக்கூடு அதிகபட்சமாக ரூ.716- க்கும், குறைந்தபட்சமாக ரூ.447-க்கும், சராசரியாக ரூ.626-க்கும் விற்பனையானது. மொத்தம் ரூ.21 லட்சத்து 86 ஆயிரத்துக்கு பட்டுக்கூடுகள் விற்பனை செய்யப்பட்டது.