உலக செய்திகள்

மோசடி வழக்கில் டிரம்பின் முன்னாள் உதவியாளருக்கு 47 மாதம் சிறை + "||" + Donald Trump's Former Campaign Chief Jailed For 47 Months

மோசடி வழக்கில் டிரம்பின் முன்னாள் உதவியாளருக்கு 47 மாதம் சிறை

மோசடி வழக்கில் டிரம்பின் முன்னாள் உதவியாளருக்கு 47 மாதம் சிறை
மோசடி வழக்கில் டிரம்பின் முன்னாள் உதவியாளருக்கு 47 மாதம் சிறை தண்டனை விதிக்கப்பட்டது.
வாஷிங்டன்,

அமெரிக்க ஜனாதிபதி டிரம்பின் முன்னாள் பிரசார குழு மேலாளர் பால் மானபோர்ட் (வயது 69).

2016-ம் ஆண்டு நடந்த அமெரிக்க ஜனாதிபதி தேர்தலில் டிரம்ப் வெற்றி பெறவும், ஹிலாரி கிளிண்டன் தோல்வி அடையவும் ரஷியா நேரடியாக தலையிட்டது என்ற புகார் எழுந்தது. இதையொட்டி ராபர்ட் முல்லர் குழு சிறப்பு விசாரணை நடத்தி வருகிறது. இந்த விசாரணை வளையத்தில் பால் மானபோர்ட்டும் சிக்கி உள்ளார்.


மேலும் இவர் உக்ரைனில் பிரசாரகராக செயல்பட்டு, அதன் மூலம் பெருமளவு பணம் கிடைத்தும், அந்த வருமானத்தை மறைத்து தவறான வருமான வரி கணக்கு தாக்கல் செய்ததாகவும், வெளிநாட்டு வங்கி கணக்கு குறித்து குறிப்பிடாமல் மறைத்ததாகவும், வங்கி மோசடியில் ஈடுபட்டதாகவும் புகார் எழுந்தது.

இது தொடர்பாக பால் மானபோர்ட் மீது அலெக்சாண்டிரியா நகர கோர்ட்டில் வழக்கு தொடரப்பட்டு, விசாரணை நடந்தது. விசாரணையில் அவர் மீதான குற்றச்சாட்டு சந்தேகத்துக்கு இடமின்றி நிரூபிக்கப்பட்டதால் அவரை குற்றவாளி என கோர்ட்டு கடந்த ஆகஸ்டு மாதம் அறிவித்து இருந்தது.

இந்த நிலையில் அவரது தண்டனை விவரம் இப்போது அறிவிக்கப்பட்டுள்ளது. அவருக்கு 47 மாதங்கள் சிறைத்தண்டனை விதிக்கப்பட்டுள்ளது. இந்த தண்டனை குறித்து அவர் மிகுந்த வேதனை வெளியிட்டுள்ளார்.


தொடர்புடைய செய்திகள்

1. 2–வது பேச்சுவார்த்தை தோல்வி: வடகொரிய தலைவருடன் மீண்டும் சந்திப்பா? டிரம்ப் பேட்டி
வடகொரியா தலைவருடனான 2–வது சந்திப்பு தோல்வியில் முடிந்த நிலையில், அவரை மீண்டும் சந்திக்க வாய்ப்பு உள்ளதாக அமெரிக்க ஜனாதிபதி டிரம்ப் தெரிவித்துள்ளார்.
2. பண மோசடி வழக்கில் டிரம்பின் முன்னாள் உதவியாளருக்கு மேலும் 3 ஆண்டு சிறை
பண மோசடி வழக்கில் டிரம்பின் முன்னாள் உதவியாளருக்கு மேலும் 3 ஆண்டு சிறைதண்டனை விதிக்கப்பட்டது.
3. போயிங் 737 மேக்ஸ் ரக விமானங்களுக்கு தடை: அமெரிக்க அதிபர் டிரம்ப் நடவடிக்கை
கடுமையான அழுத்தங்களை தொடர்ந்து போயிங் 737 மேக்ஸ் 8 ரக விமானங்களுக்கு தடை விதிப்பதாக அமெரிக்கா அறிவித்துள்ளது.
4. புதிய நிபந்தனை விதிக்கிறார் டிரம்ப்: சீனாவுடன் அமெரிக்கா வர்த்தக ஒப்பந்தம் போடுமா?
அமெரிக்க ஜனாதிபதி டிரம்ப் புதிய நிபந்தனைகளை விதிப்பதால், சீனாவுடன் அமெரிக்கா வர்த்தக ஒப்பந்தம் போடுமா என கேள்வி எழுந்துள்ளது.
5. ‘மாட்டிறைச்சி மீதான வரியை நீக்குங்கள்’ சீனாவுக்கு டிரம்ப் வேண்டுகோள்
உலகின் இருபெரும் வல்லரசு நாடுகளான அமெரிக்காவுக்கும், சீனாவுக்கும் இடையே நீண்ட காலமாக வர்த்தக பிரச்சினை உள்ளது. இதன் காரணமாக சீன பொருட்கள் மீது அமெரிக்கா 250 பில்லியன் டாலருக்கு மேல் (ஒரு பில்லியன் என்பது 100 கோடி டாலர்.) கூடுதல் வரி விதித்தது.