உலக செய்திகள்

சீனாவில் பாலம் இடிந்து விழுந்து 3 பேர் பலி + "||" + Bridge Collapse In China Kills Three, Two Injured

சீனாவில் பாலம் இடிந்து விழுந்து 3 பேர் பலி

சீனாவில் பாலம் இடிந்து விழுந்து 3 பேர் பலி
சீனாவில் நெடுஞ்சாலையில் உள்ள பாலம் இடிந்து வாகனங்கள் மீது விழுந்ததில் இடிபாடுகளில் சிக்கி 3 பேர் உயிரிழந்தனர்.
பீஜிங்,

சீனாவின் ஜியாங்சு மாகாணத்தில் உள்ள வுக்சி நகரில் போக்குவரத்து நெரிசலை தவிர்ப்பதற்காக மேம்பாலம் ஒன்று கட்டப்பட்டு இருந்தது. நேற்று முன்தினம் இரவு இந்த மேம்பாலத்தில் 3 கார்கள் மற்றும் 2 லாரிகள் சென்று கொண்டிருந்தன. மேம்பாலத்துக்கு கீழே உள்ள சாலையிலும் வாகனங்கள் சென்று கொண்டிருந்தன.


அப்போது சற்றும் எதிர்பாராத வகையில் மேம்பாலம் திடீரென இடிந்து சாலையில் சென்ற 2 கார்கள் மற்றும் சாலையோரம் நிறுத்தப்பட்டிருந்த ஒரு கார் மீது விழுந்தது. அதே போல், மேம்பாலத்தில் சென்ற 3 கார்கள் மற்றும் 2 லாரிகளும் சாலையில் விழுந்தன. இந்த கோர விபத்தில் சாலையில் சென்ற 2 கார்களில் இருந்த 3 பேர் உடல் நசுங்கி சம்பவ இடத்திலேயே பலியாகினர். மேலும் 2 பேர் படுகாயமடைந்துள்ளனர்.

தகவல் அறிந்து சம்பவ இடத்துக்கு விரைந்த தீயணைப்பு வீரர்கள் கிரேன், பொக்லைன் எந்திரம் உள்ளிட்டவற்றின் உதவியுடன் இடிபாடுகளை அகற்றி வாகனங்களுக்குள் சிக்கியிருந்தவர்களை மீட்டனர். சம்பவ இடத்தை நேரில் ஆய்வு செய்த நெடுஞ்சாலைத்துறை அதிகாரிகள், லாரி ஒன்று அனுமதிக்கப்பட்டதை விட அதிகளவில் சுமை ஏற்றி சென்றதால், மேம்பாலம் இடிந்து விழுந்ததாக தெரிவித்துள்ளனர். எனினும் தொடர்ந்து விசாரணை நடந்து வருகிறது.

தொடர்புடைய செய்திகள்

1. சீனாவின் சர்ச்சைக்குரிய பாதுகாப்பு சட்டம் எதிரொலி; ஹாங்காங் விவகாரத்தில் அமெரிக்கா பொருளாதார தடை
ஹாங்காங்கில் சீனா கொண்டு வந்துள்ள சர்ச்சைக்குரிய தேசிய பாதுகாப்பு சட்ட விவகாரத்தில், அமெரிக்கா பொருளாதார தடை விதிக்கிறது. இது தொடர்பான சட்ட மசோதா அமெரிக்க நாடாளுமன்ற பிரதிநிதிகள் சபையில் நிறைவேறியது.
2. சீனாவில் அனைத்து இந்திய செய்தித்தாள்கள் மற்றும் செய்தி இணையதளங்களுக்கு தடை
இந்திய ஊடகம் மற்றும் வலைத்தளங்களை சீனா தடை செய்து உள்ளது இதற்கு இந்திய செய்திதாள் சங்கம் நடவடிக்கை எடுக்க மத்திய அரசை கேட்டு கொண்டுள்ளது.
3. சீனாவுடனான எல்லை தகராறு: ஸ்பைஸ் 2000 ரக அதிக திறன்வாய்ந்த குண்டுகளை வாங்க இந்தியா திட்டம்
சீனா உடனான எல்லைத்தகராறு தீவிரமடைந்துள்ள நிலையில், ஸ்பைஸ் 2000 ரக அதிக திறன்வாய்ந்த குண்டுகளை வாங்க இந்தியா திட்டமிட்டுள்ளது. இதன்மூலம் இந்திய ராணுவம் கூடுதல் வலுப்பெறும் என கருதப்படுகிறது.
4. கல்வான் பள்ளதாக்கு மோதல் எங்கள் தரப்பில் உயிரிழப்பு அதிகம் முதல் முறையாக சீனா ஒப்புதல்
கல்வான் பள்ளதாக்கு மோதலில் எங்கள் தரப்பில் உயிரிழப்பு அதிகம் தான் என முதல் முறையாக சீனா ஒப்பு கொண்டு உள்ளது.
5. சீனா திபெத்திய நாட்டினரை உளவாளிகளாக இந்தியாவுக்குள் ஊடுருவ வைக்க முயற்சி
சீனா திபெத்திய நாட்டினரை உளவாளிகளாக இந்தியாவுக்குள் ஊடுருவ வைக்க முயற்சிக்கிறது என தகவல் வெளியாகி உள்ளது.