உலக செய்திகள்

கர்தார்பூருக்கு வர சீக்கியர்களுக்கு பாஸ்போர்ட் வேண்டாம் என கூறிய இம்ரான்கானுக்கு பாகிஸ்தான் ராணுவம் எதிர்ப்பு + "||" + Pakistani army protests against Imran Khan, who asked Sikhs not to bring passports to Gardarpur

கர்தார்பூருக்கு வர சீக்கியர்களுக்கு பாஸ்போர்ட் வேண்டாம் என கூறிய இம்ரான்கானுக்கு பாகிஸ்தான் ராணுவம் எதிர்ப்பு

கர்தார்பூருக்கு வர சீக்கியர்களுக்கு பாஸ்போர்ட் வேண்டாம் என கூறிய இம்ரான்கானுக்கு பாகிஸ்தான் ராணுவம் எதிர்ப்பு
கர்தார்பூருக்கு வர இந்தியர்களுக்கு பாஸ்போர்ட் தேவையில்லை, அடையாள அட்டை போதுமானது என கூறிய பாகிஸ்தான் பிரதமர் இம்ரான்கானுக்கு அந்த நாட்டின் ராணுவம் எதிர்ப்பு தெரிவித்துள்ளது.
இஸ்லாமாபாத்,

பாதுகாப்பிலும், இறையாண்மையிலும் சமரசம் இல்லை என ராணுவம் திட்டவட்டமாக கூறி உள்ளது.

சீக்கிய மதத்தை நிறுவிய குருநானக், தனது வாழ்வின் கடைசி 18 ஆண்டுகளை பாகிஸ்தான், பஞ்சாப் மாகாணத்தில் உள்ள கர்தார்பூரில் கழித்தார். அங்கு அவரது நினைவாக கர்தார்பூர் சாகிப் குருத்வாரா அமைக்கப்பட்டுள்ளது. அங்கு சீக்கியர்கள் வாழ்நாளில் ஒரு முறையாவது சென்று வருவது கடமையாக உள்ளது.

இந்திய-பாகிஸ்தான் எல்லையில் இருந்து 3 கி.மீ. தொலைவில் இந்த கர்தார்பூர் சாகிப் குருத்வாரா உள்ளது.

இந்த குருத்வாராவுக்கு பஞ்சாப் மாநிலத்தில் இருந்து சீக்கியர்கள் சென்று வழிபாடு நடத்தி வர ஏதுவாக வழித்தடம் அமைக்க வேண்டும் என்று இந்தியா கோரி இப்போது அது செயல்வடிவத்துக்கு வந்துள்ளது.

இந்தியாவில் உள்ள பஞ்சாப் மாநிலத்தின் குர்தாஸ்பூர் தேராபாபா நானக்கையும், பாகிஸ்தானின் கர்தார்பூர் சாகிப் குருத்வாராவையும் இணைக்கும் வகையில் புதிய வழித்தடம் அமைக்கப்பட்டுள்ளது. குர்தார்பூருக்கு விசா இன்றி சீக்கியர்கள் சென்று வர இந்த திட்டம் வழிவகுக்கிறது.

இந்த வழித்தடத்தை குருநானக்கின் 550-வது பிறந்தநாளையொட்டி நாளை (சனிக்கிழமை) பாகிஸ்தானில் பிரதமர் இம்ரான்கானும், இந்தியாவில் பிரதமர் நரேந்திர மோடியும் தொடங்கி வைக்கின்றனர்.

இது சீக்கியர்களுக்கு மிகுந்த மகிழ்ச்சியை அளித்துள்ளது.

கர்தார்பூருக்கு செல்வதற்கு இந்தியர்கள் கட்டணமாக 20 டாலர் (சுமார் ரூ.1,400) செலுத்த வேண்டும்.

இந்த நிலையில் கடந்த 1-ந் தேதி பாகிஸ்தான் பிரதமர் இம்ரான்கான், கர்தார்பூர் பயணம் மேற்கொள்ளும் சீக்கியர்களுக்கு அதிரடியாக பல்வேறு சலுகைகளை அறிவித்தார். கர்தார்பூருக்கு சீக்கியர்கள் வர பாஸ்போர்ட் தேவையில்லை. செல்லத்தக்க அடையாள அட்டை இருந்தால் போதுமானது, வழித்தடம் தொடங்குகிற நாளில் கட்டணத்தில் இருந்து விலக்கு தரப்படும் என தெரிவித்தார்.

கர்தார்பூருக்கு செல்கிற முதல் இந்திய குழுவில் முன்னாள் பிரதமர் மன்மோகன்சிங், பஞ்சாப் முதல்-மந்திரி கேப்டன் அமரிந்தர் சிங், மத்திய மந்திரிகள் ஹர்சிம்ரத் கவுர் பாதல், ஹர்திப்சிங் பூரி ஆகியோர் இடம் பெறுகின்றனர்.

குர்தார்பூருக்கு சீக்கியர்கள் புனித பயணம் மேற்கொள்ள பாஸ்போர்ட் தேவையில்லை என்ற இம்ரான்கான் அறிவிப்பை தொடர்ந்து, இதை உறுதி செய்ய இந்தியா விரும்பியது. இது தொடர்பாக கேள்வி எழுப்பியபோது, இம்ரான்கான் முடிவுக்கு பாகிஸ்தான் ராணுவம் எதிர்ப்பு தெரிவித்துள்ளது.

இதுபற்றி அந்த நாட்டின் ராணுவ செய்தி தொடர்பாளர் மேஜர் ஜெனரல் ஆசிப் கபூர் கூறுகையில், “ நாங்கள் பாதுகாப்பு இணைப்பை கொண்டுள்ளோம். கர்தார்பூருக்கு சீக்கியர்கள் வருவது சட்டபூர்வமாக இருக்க வேண்டும். பாதுகாப்பில் அல்லது இறையாண்மையில் நாங்கள் சமரசம் செய்து கொள்ள மாட்டோம்” என்று திட்டவட்டமாக குறிப்பிட்டார்.

ஆனால் கர்தார்பூர் பயணத்துக்காக இந்தியர்களுக்கு பாஸ்போர்ட் தேவையில்லை என்ற இம்ரான்கானின் அறிவிப்பை பாகிஸ்தான் அரசு நேற்று மாலையில் உறுதி செய்தது. அந்த நாட்டின் வெளியுறவுத்துறை செய்தி தொடர்பாளர் முகமது பைசல் தனது வாராந்திர செய்தியாளர் சந்திப்பின் போது இதை வெளியிட்டார்.

மேலும் 9-ந்தேதி (நாளை) மற்றும் 12-ந்தேதி பயணிப்போர் 20 டாலர் கட்டணமும் செலுத்த தேவையில்லை’ என்று தெரிவித்தார்.

தொடர்புடைய செய்திகள்

1. குடியுரிமை திருத்த மசோதா: பாகிஸ்தான் பிரதமர் இம்ரான் கான் கண்டனம்
குடியுரிமை சட்ட திருத்த மசோதாவுக்கு பாகிஸ்தான் பிரதமர் இம்ரான் கான் கண்டனம் தெரிவித்துள்ளார்.
2. இம்ரான்கான் பதவி விலக 2 நாள் கெடு - விடுதலை பேரணியில் பாகிஸ்தான் மத குரு ஆவேசம்
இம்ரான்கான் 2 நாட்களில் பதவி விலக வேண்டும் என்று விடுதலை பேரணியில் பாகிஸ்தான் மத குரு ஆவேசமாக தெரிவித்தார்.
3. சவூதி இளவரசரை கோபப்படுத்தியதால் இம்ரான் கான் ஆடம்பர விமானத்தின் வசதியை இழந்தார்
சவூதி இளவரசரை கோபப்படுத்தியதால் பாகிஸ்தான் பிரதமர் இம்ரான் கான்; ஆடம்பர விமானத்தின் வசதியை இழந்து உள்ளார்.
4. இந்தியா-பாகிஸ்தான் போருக்கு வாய்ப்பு : இம்ரான்கான் சொல்கிறார்
காஷ்மீர் பிரச்சினை தொடர்பாக இந்தியா- பாகிஸ்தான் இடையே போர் ஏற்பட வாய்ப்பு இருப்பதாக இம்ரான் கான் கூறியுள்ளார்.
5. வளைகுடா பிராந்தியத்தில் பதற்றத்தை தணிக்க அமெரிக்கா-ஈரான் இடையே இம்ரான்கான் சமரசம்
அமெரிக்கா மற்றும் ஈரான் இடையே நாளுக்கு நாள் பதற்றம் அதிகரித்து வரும் நிலையில் நியூயார்க் நகரில் நடைபெறும் ஐ.நா. பொதுசபை கூட்டத்துக்கு இடையில் இருநாடுகளும் இது குறித்து பேசி தீர்வு காணும் என எதிர்பார்ப்பு உள்ளது. ஆனால் அதற்கான சூழல் அமைந்ததாக தெரியவில்லை.