உலக செய்திகள்

உக்ரைனில் முதுமையால் 8 வயது சிறுமி உயிரிழப்பு அரியவகை மரபணு நோயால் சோகம் + "||" + An 8-year-old girl dies of old age in Ukraine

உக்ரைனில் முதுமையால் 8 வயது சிறுமி உயிரிழப்பு அரியவகை மரபணு நோயால் சோகம்

உக்ரைனில் முதுமையால் 8 வயது சிறுமி உயிரிழப்பு அரியவகை மரபணு நோயால் சோகம்
உக்ரைன் நாட்டைச் சேர்ந்த 8 வயது சிறுமி அரியவகை மரபணு நோயால் பாதிக்கப்பட்டு பரிதாபமாக உயிரிழந்தாள்.
கீவ், 

உக்ரைன் நாட்டை சேர்ந்த இவானா என்ற பெண்ணுக்கு கடந்த 2012-ம் ஆண்டு பெண் குழந்தை பிறந்தது. அன்னா சாகிடோன் என பெயரிடப்பட்ட அந்த குழந்தைக்கு ‘புரோஜீரியா’ என்ற அரியவகை மரபணு நோய் பாதிப்பு ஏற்பட்டது.

உலகம் முழுவதிலும் வெறும் 160 பேருக்கு மட்டுமே இந்த நோய் பாதிப்பு உள்ளது. இந்த நோய் தாக்கியவர்கள் சிறு வயதிலேயே முதுமையை அடைவார்கள். அதாவது அவர்களது உடல் உள் உறுப்புகள் வேகமாக வளர்ந்து முதுமை பருவம் வந்துவிடும்.

அந்த வகையில் இவானாவின் மகள் அன்னா சாகிடோன் 8 வயதில் 80 வயதுக்கான முதுமையுடன் இருந்தாள். வெறும், 7 கிலோ எடைகொண்ட அந்த சிறுமி உடல்நல குறைவு காரணமாக, ஆஸ்பத்திரியில் சிகிச்சை பெற்று வந்தார்.

இந்த நிலையில், ‘புரோஜீரியா’ நோயின் தாக்கம் அதிகமானதால் சிறுமியின் உடல் உள் உறுப்புகள், அடுத்தடுத்து செயலிழந்தன. சிறுமியை காப்பாற்ற டாக்டர்கள் கடுமையாக போராடினர்.

ஆனாலும் அவர்களின் முயற்சி பலனளிக்காததால் கடந்த சனிக்கிழமை சிறுமி அன்னா சாகிடோன், பரிதாபமாக உயிரிழந்தாள்.

தொடர்புடைய செய்திகள்

1. தனித்தனி சம்பவத்தில் சிறுமி உள்பட 2 பேர் தற்கொலை
தனித்தனி சம்பவத்தில் சிறுமி உள்பட 2 பேர் தற்கொலை செய்து கொண்டனர்.
2. பள்ளி மாணவிகள் கூட்டத்தில் கார் புகுந்தது; 8 வயது சிறுமி பரிதாப சாவு மேலும் 6 பேர் படுகாயம்
ராஜாக்கமங்கலம் அருகே பள்ளி மாணவிகள் கூட்டத்தில் கார் புகுந்தது. இதில் 8 வயது சிறுமி பரிதாபமாக இறந்தார். மேலும், 6 பேர் படுகாயம் அடைந்தனர்.
3. உக்ரைன் நாட்டின் கல்லூரி ஒன்றில் ஏற்பட்ட தீவிபத்து - 12 பேர் உடல் கருகி பலி
உக்ரைன் நாட்டின் தெற்கு பகுதியில் ஒடேசா நகரில் உள்ள ஒரு கல்லூரியில் ஏற்பட்ட தீவிபத்தில் 12 பேர் உடல் கருகி பலியாகினர்.
4. உக்ரைன் நாட்டின் நிகழ்ந்த குண்டு வெடிப்பில் சிக்கி 2 பேர் பலி
உக்ரைன் நாட்டின் தலைநகர் கீவில் நேற்று முன்தினம் நிகழ்ந்த குண்டு வெடிப்பில் சிக்கி 2 பேர் பலியாயினர்.
5. சாணார்பட்டி அருகே சிறுவர், சிறுமி உள்பட 15 பேருக்கு மர்மகாய்ச்சல்; சுகாதாரத்துறையினர் முகாமிட்டு சிகிச்சை
சாணார்பட்டி அருகே சிறுவர்-சிறுமி உள்பட 15 பேர் மர்ம காய்ச்சலால் பாதிக்கப்பட்டுள்ளனர். இதையடுத்து அந்த கிராமத்தில் சுகாதாரத்துறையினர் முகாமிட்டு சிகிச்சை அளித்து வருகின்றனர்.