உலக செய்திகள்

உலகளவில் கொரோனா பாதிப்பால் உயிரிழந்தோர் எண்ணிக்கை 19 ஆயிரத்தை நெருங்கியது + "||" + Confirmed cases of COVID-19 worldwide exceed 372,000, over 16,000 died: WHO

உலகளவில் கொரோனா பாதிப்பால் உயிரிழந்தோர் எண்ணிக்கை 19 ஆயிரத்தை நெருங்கியது

உலகளவில் கொரோனா பாதிப்பால் உயிரிழந்தோர் எண்ணிக்கை 19 ஆயிரத்தை நெருங்கியது
உலகளவில் கொரோனா வைரஸ் பாதிப்பால் உயிரிழந்தோர் எண்ணிக்கை 19 ஆயிரத்தை நெருங்கியுள்ளது.
ஜெனீவா,

சீனாவில் தோன்றிய உயிர்க்கொல்லி நோயான கொரோனா வைரஸ், உலகம் முழுவதும் சுமார் 200 நாடுகளில் பரவி விட்டது.  வைரசின் பிறப்பிடமான சீனாவின் உகான் நகரில் வைரஸ் கட்டுக்குள் வந்தாலும், இத்தாலி, அமெரிக்கா, பிரான்சு, ஸ்பெயின் உள்ளிட்ட நாடுகளில் கொரோனா வைரஸ் வேகமாகப் பரவி வருகிறது. இந்தியாவிலும் நாளுக்கு நாள் கொரோனா வைரஸ் தனது கோர முகத்தைக் காட்டி வருகிறது. 

உலகளவில் கொரோனா வைரஸ் பாதிப்பால் உயிரிழந்தோர் எண்ணிக்கை 18,887 ஆக அதிகரித்துள்ளது. 422,566 பேர் பாதிக்கப்பட்ட நிலையில்,  108,388-பேர் பாதிப்பில் இருந்து மீண்டுள்ளனர்.  இத்தாலியில், புதிதாக 5249 பேருக்கு கொரோனா தொற்று உறுதி செய்யப்பட்டுள்ளது.  இத்தாலியில்  ஒரே நாளில் 743 பேர் கொரோனாவால் உயிரிழந்துள்ளனர். ஒட்டுமொத்தமாக இத்தாலியில் கொரோனா வைரஸ் பாதிப்புக்கு  6,820 பேர் பலியாகியுள்ளனர்.

அமெரிக்காவிலும் கொரோனா வைரஸ் வேகமாகப் பரவி வருகிறது. தற்போதைய நிலவரப்படி  அங்குப் புதிதாக 11 ஆயிரம் பேர் கொரோனா வைரசால் பாதிக்கப்பட்டுள்ளனர். நேற்று ஒரே நாளில் கொரோனா வைரஸ் பாதிப்பால் அமெரிக்காவில் 200-க்கு மேற்பட்ட உயிரிழப்புகள் நிகழ்ந்துள்ளன. ஒட்டு மொத்தமாக அமெரிக்காவில் 775 பேர்  கொரோனாவால் உயிரிழந்துள்ளனர்.  

தொடர்புடைய செய்திகள்

1. இத்தாலியில் ஏப்ரல் 12 ஆம் தேதிவரை ஊரடங்கு நீட்டிப்பு
இத்தாலியில் ஏப்ரல் 12 ஆம் தேதி வரை ஊரடங்கு நீட்டிக்கப்படுவதாக அந்நாட்டு அரசு தெரிவித்துள்ளது.
2. இந்தியாவில் கொரோனா வைரஸ் பரவல் இன்னும் சமூக பரிமாற்றமாக மாறவில்லை; மத்திய அரசு
இந்தியாவில் கொரோனா வைரஸ் பரவல் இன்னும் சமூக பரிமாற்றமாக மாறவில்லை என்று மத்திய அரசு விளக்கம் அளித்துள்ளது.
3. ஊரடங்கை முன்னிட்டு சொந்த மாநிலத்திற்கு திரும்பும் வழியில் 5 குழந்தைகள் உள்பட 22 பேர் உயிரிழப்பு
ஊரடங்கை முன்னிட்டு சொந்த மாநிலத்திற்கு திரும்பும் வழியில் 5 குழந்தைகள் உள்பட 22 பேர் விபத்து மற்றும் மாரடைப்புகளால் பலியாகி உள்ளனர்.
4. இந்தியாவில் கொரோனா பாதித்தவர்களின் எண்ணிக்கை 1071 ஆக உயர்வு
இந்தியாவில் கொரோனா வைரசால் பாதிக்கப்பட்டவர்களின் எண்ணிக்கை 1,071 ஆக உயர்ந்துள்ளது.
5. டெல்லியில் கொரோனா அறிகுறியுடன் ஒரே நாளில் 85 பேர் மருத்துவமனையில் அனுமதி
டெல்லியில் கொரோனா அறிகுறியுடன் ஒரே நாளில் 85 பேர் மருத்துவமனையில் அனுமதிக்கப்பட்டுள்ளனர்.