<
ரஷியாவில் கொரோனா பாதிப்பு 3 லட்சத்தை தாண்டியது
ரஷியாவில், கொரோனா பாதிப்பு 3 லட்சத்தை தாண்டியது.
மாஸ்கோ,
உலக அளவில் கொரோனா பாதிப்பில் ரஷியா இரண்டாம் இடத்தை பிடித்துள்ளது. அங்கு கடந்த 24 மணி நேரத்தில், 8 ஆயிரத்து 764 பேருக்கு பாதிப்பு உறுதி செய்யப்பட்டது.
இவர்களில் தலைநகர் மாஸ்கோவில் மட்டும் 2 ஆயிரத்து 699 பேருக்கு உறுதி செய்யப்பட்டுள்ளது. அங்கு கடந்த 29-ந் தேதிக்கு பிறகு, பாதிப்பு எண்ணிக்கை முதல் முறையாக 3 ஆயிரத்துக்கு கீழ் குறைந்துள்ளது.
இதையடுத்து, ரஷியாவில் மொத்த பாதிப்பு எண்ணிக்கை 3 லட்சத்து 8 ஆயிரத்து 705 ஆக உயர்ந்துள்ளது.
ரஷியாவில் கடந்த 24 மணி நேரத்தில் கொரோனாவுக்கு 135 பேர் பலியாகி உள்ளனர். இதனால் பலி எண்ணிக்கை 2 ஆயிரத்து 972 ஆக அதிகரித்துள்ளது.
அதே சமயத்தில் 24 மணி நேரத்தில் 9 ஆயிரத்து 262 பேர் குணமடைந்து வீடு திரும்பி உள்ளனர்.
கடந்த 24 மணி நேரத்தில் 2 லட்சத்து 25 ஆயிரம் மாதிரிகள் பரிசோதிக்கப்பட்டுள்ளன. இதுவரை மொத்தம் 75 லட்சம் மாதிரிகள் பரிசோதிக்கப்பட்டுள்ளன. இன்னும் 2 லட்சத்து 73 ஆயிரம்பேர் மருத்துவ கண்காணிப்பில் உள்ளனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
