உலக செய்திகள்

சீனாவின் கொரோனா வைரஸ் தடுப்பூசியை வாங்கிய இஸ்ரேலிய புலனாய்வு அமைப்பான மொசாட் + "||" + Israeli intelligence agency Mossad acquires China's coronavirus vaccine for 'study'

சீனாவின் கொரோனா வைரஸ் தடுப்பூசியை வாங்கிய இஸ்ரேலிய புலனாய்வு அமைப்பான மொசாட்

சீனாவின் கொரோனா வைரஸ் தடுப்பூசியை வாங்கிய இஸ்ரேலிய புலனாய்வு அமைப்பான மொசாட்
இஸ்ரேலிய புலனாய்வு அமைப்பான மொசாட் சீனாவின் கொரோனா வைரஸ் தடுப்பூசியை 'ஆய்வு'க்காக வாங்கி உள்ளது.
ஜெருசலம்

இஸ்ரேலிய புலனாய்வு அமைப்பான மொசாட் சீனாவின் கொரோனா வைரஸ் தடுப்பூசியை 'ஆய்வுக்காக' கொண்டு வந்துள்ளதாக உள்ளூர் ஊடகங்கள் செய்தி வெளியிட்டுள்ளன.

ஒழுங்குமுறை ஒப்புதல் பெற்ற பின்னர் நவம்பர் 1 ஆம் தேதி பாதுகாப்பு அமைச்சினால் மேற்பார்வையிடப்பட்ட ஒரு ஆராய்ச்சி நிறுவனம் உருவாக்கிய சாத்தியமான கொரோனா தடுப்பூசிக்கான மனித சோதனைகளை இஸ்ரேல் தொடங்கும் என கூறப்படுகிறது.

இது குறித்து சுகாதார அமைச்சகத்தின் மூத்த அதிகாரி ஒருவர் கூறும் போது :-

திரைக்குப் பின்னால் பல இராஜதந்திர முயற்சிகள் நடந்து வருகின்றன. இஸ்ரேலிய குடிமக்களுக்கு விரைவில் ஒரு தடுப்பூசி கிடைப்பதை உறுதி செய்ய எங்களால் முடிந்த அனைத்தையும் நாங்கள் முயற்சிக்கிறோம்  என கூறினார்.

இஸ்ரேல் இன்ஸ்டிடியூட் ஆப் உயிரியல் ஆராய்ச்சி (ஐ.ஐ.பி.ஆர்) மார்ச் மாதத்தில் அதன் "பிரைலைஃப்" தடுப்பூசிக்கான விலங்குகள் சோதனைகளைத் தொடங்கியது. இதை அடுத்த கட்டத்திற்கு கொண்டு செல்ல சுகாதார அமைச்சகம், மேற்பார்வைக் குழுவும் இப்போது அனுமதி வழங்கி உள்ளன.

வைரஸ் ஆன்டிபாடிகள் உருவாகின்றனவா என்பதை அறிய 18 முதல் 55 வயது வரையிலான 80 தன்னார்வலர்கள் மூன்று வாரங்களுக்கு கண்காணிக்கப்படுவார்கள் என்று அமைச்சகம் ஒரு அறிக்கையில் தெரிவித்துள்ளது. 

இரண்டாவது கட்டம், டிசம்பரில் தொடங்கும் என்று எதிர்பார்க்கப்படுகிறது, இதில் 18 வயதுக்கு மேற்பட்ட 960 பேர் கலந்து கொள்வார்கள்.

அது வெர்றி பெற்றால் 30,000 தன்னார்வலர்களுடன் மூன்றாவது, பெரிய அளவிலான கட்டம் ஏப்ரல் / மே மாதங்களில் திட்டமிடப்பட்டுள்ளது. வெற்றிகரமாக இருந்தால், தடுப்பூசி வெகுஜன பயன்பாட்டிற்கு அனுமதி வழ
ங்கப்படும் எனதகவல்கள் தெரிவிக்கின்றன.

சர்வதேச அளவில் அங்கீகரிக்கப்பட்ட தடுப்பூசிகள் இதுவரை இல்லை, ஆனால் பல மேம்பட்ட சோதனைகளில் உள்ளன, இதில் ஃபைசர் இன்க், ஜான்சன் & ஜான்சன், அஸ்ட்ராஜெனெகா பி.எல்.சி மற்றும் மாடர்னா ஆகியவை அடங்கும்.

90 லட்சம்  மக்கள்தொகை கொண்ட இஸ்ரேல், தினசரி தொற்றுநோய்களின் வீதத்தில் தொடர்ச்சியான சரிவுக்குப் பிறகு, நாடு தழுவிய அளவில் இரண்டாவது கொரோனா வைரஸ் ஊரடங்கை எளிதாக்கத் தொடங்கியது. சனிக்கிழமையன்று நாடு 692 புதிய பாதிப்புகளை உறுதி செய்து உள்ளது.இது பல வாரங்களுக்கு முன்பு தினசரி பாதிப்பு  9,000 க்கும் அதிகமானதாக இருந்தது. 2,372 இறப்புகளைப் பதிவு செய்துள்ளது.

தொடர்புடைய செய்திகள்

1. ஈராக்கில் நடத்தப்பட்ட தாக்குதலில் ஈரான் ராணுவத்தின் மூத்த அதிகாரி பலி
ஈராக்கில் ஆளில்லா விமானம் மூலம் நடத்தப்பட்ட தாக்குதலில் ஈரான் ராணுவத்தின் மூத்த அதிகாரி ஒருவர் பலியானதாக தகவல் வெளியாகியுள்ளது.
2. கல்வான் பள்ளத்தாக்கு மோதல் சீனா அரசால் திட்டமிட்டு நடத்தப்பட்டது -அமெரிக்காவின் உயர்மட்ட குழு சொல்கிறது
20 இந்திய வீரர்கள் உயிர்த்தியாகம் செய்த கல்வான் பள்ளத்தாக்கு மோதல் சீனா அரசால் திட்டமிட்டு நடத்தப்பட்டது என அமெரிக்காவின் உயர்மட்ட குழு ஒன்று தெரிவித்து உள்ளது.
3. இந்தியாவின் மோசமான சுகாதார அமைப்புகளால் உருவான கொரோனா வைரஸ் சீனா குற்றச்சாட்டு
கொரோனா வைரஸால் உலகமே மோசமாக பாதிக்கப்பட்டுள்ளது. வைரசின் தீவிரம் மீண்டும் அதிகமாகிக்கொண்டிருக்கும் இவ்வேளையில், வைரஸ் உருவான இடம் பற்றி சீனா மீண்டும் ஒரு குழப்பத்தை ஏற்படுத்தியுள்ளது.
4. மொபைல் செயலிகளுக்கு தொடர்ந்து இந்திய தடை ; சீனா கடும் எதிர்ப்பு
தங்கள் நாட்டின் மொபைல் செயலிகளுக்கு தொடர்ந்து இந்திய தடை விதித்து வருவதற்கு சீனா கடும் எதிர்ப்பு தெரிவித்துள்ளது.
5. ஜோ பைடன் பலவீனமானவர்; போர் குறித்தும் பரிசீலிக்கலாம் : சீன அரசு ஆலோசகர் எச்சரிக்கை
ஜோ பைடன் ஆட்சிக்கு வந்ததும், அமெரிக்காவுடனான உறவுகள் தானாகவே மேம்படும் என்ற மாயையை சீனா கைவிட வேண்டும் என அரசு ஆலோசகர் ஒருவர் கூறி உள்ளார்.