உலக செய்திகள்

இந்தியாவில் இருந்து அமீரகத்துக்கு ஜூன் 30-ந் தேதி வரை பயணிகள் விமானம் ரத்து: எமிரேட்ஸ் விமான நிறுவனம் + "||" + Passenger flights from India to UAE cancelled till June 30: Emirates Airlines

இந்தியாவில் இருந்து அமீரகத்துக்கு ஜூன் 30-ந் தேதி வரை பயணிகள் விமானம் ரத்து: எமிரேட்ஸ் விமான நிறுவனம்

இந்தியாவில் இருந்து அமீரகத்துக்கு ஜூன் 30-ந் தேதி வரை பயணிகள் விமானம் ரத்து: எமிரேட்ஸ் விமான நிறுவனம்
இந்தியாவில் இருந்து அமீரகத்துக்கு அடுத்த மாதம் (ஜூன்) 30-ந் தேதி வரை பயணிகள் விமானம் ரத்து செய்யப்பட்டு இருப்பதாக எமிரேட்ஸ் விமான நிறுவனம் அறிவித்துள்ளது.

கொரோனா பரவல்

இந்தியாவில் கடந்த மாதம் தொடர்ந்து கொரோனா தொற்று பரவல் உச்சத்தை தொட்டது. 2-வது அலை பரவிய காரணத்தால், கடந்த ஏப்ரல் 24-ந் தேதி முதல் 10 நாட்களுக்கு இந்தியாவில் இருந்து வருகை புரியும் அனைத்து விமான சேவைகளும் ரத்து செய்யப்படுவதாக அமீரக சிவில் விமான போக்குவரத்து ஆணையம் மற்றும் தேசிய அவசரம், நெருக்கடி, பேரிடர் மேலாண்மை ஆணையம் ஆகியவை கூட்டாக அறிவித்தது.

இதில் ஏற்கனவே அறிவித்திருந்த 10 நாட்கள் தடையானது மேலும் நீட்டிப்பு செய்யப்பட்டுள்ளதாக அமீரக விமான நிறுவனங்கள் மற்றும் டிராவல் ஏஜென்சிகள் இணையதளத்தில் நடப்பு மே மாதம் அறிவித்தன. அதன்படி மே 5-ந் தேதி வரை இருந்த தடை அறிவிப்பு மீண்டும் 14-ந் தேதி வரை நீட்டிப்பு செய்யப்பட்டது.

ஜூன் 30-ந் தேதி வரை...

இதனை தொடர்ந்து தற்போது 4-வது முறையாக இந்தியாவில் இருந்து வருகிற ஜூன் 30-ந் தேதி வரை அமீரகத்தின் எந்த பகுதிக்கும் பயணிகள் விமானங்கள் இயக்கப்படாது என நேற்று எமிரேட்ஸ் விமான நிறுவனம் தகவல் அளித்துள்ளது.

இந்தியாவில் கொரோனா பரவல் குறையாததால் இந்த முன்னெச்சரிக்கை நடவடிக்கை எடுக்கப்பட்டுள்ளது. துபாய் எமிரேட்ஸ் நிறுவனத்தின் சார்பில், இந்தியாவில் இருந்து அமீரகம் வருவதற்கு முன்பதிவு செய்துள்ள தேதிகளை பயணிகள் மாற்றியமைத்துக்கொள்ளுமாறு கேட்டுக்கொள்ளப்பட்டுள்ளது.


தொடர்புடைய செய்திகள்

1. இந்தியாவில் இதுவரை 37.81 கோடி கொரோனா மாதிரிகள் பரிசோதனை - ஐ.சி.எம்.ஆர் தகவல்
இந்தியாவில் கொரோனா பாதிப்பை கண்டறிய நேற்று 19,00,312 மாதிரிகள் பரிசோதனை செய்யப்பட்டுள்ளதாக ஐ.சி.எம்.ஆர் தெரிவித்துள்ளது.
2. இந்தியாவில் குறைந்து வரும் கொரோனா பாதிப்பு: புதிதாக 80,834 பேருக்கு தொற்று: மேலும் 3,303 பேர் பலி
இந்தியாவில் கடந்த 24 மணி நேரத்தில் புதிதாக 80,834 பேருக்கு கொரோனா பாதிப்பு உறுதி செய்யப்பட்டுள்ளதாக மத்திய சுகாதாரத்துறை அமைச்சகம் தெரிவித்துள்ளது.
3. இந்தியாவில் அதிகரிக்கும் கொரோனா உயிரிழப்பு: ஒரேநாளில் 4,002 பேர் பலி; புதிதாக 84,332 பேருக்கு தொற்று
இந்தியாவில் கடந்த 24 மணி நேரத்தில் மேலும் 4,002 பேர் கொரோனாவுக்கு பலியாகி உள்ளதாக மத்திய சுகாதாரத்துறை அமைச்சகம் தெரிவித்துள்ளது.
4. இந்தியாவில் ஒருநாள் கொரோனா பாதிப்பு எண்ணிக்கை 1 லட்சமாக குறைந்தது
இந்தியாவில் கடந்த 24 மணி நேரத்தில் புதிதாக 1,00,636 பேருக்கு கொரோனா பாதிப்பு உறுதி செய்யப்பட்டுள்ளது.
5. இந்தியாவில் நேற்று ஒரே நாளில் 20.75 லட்சம் மாதிரிகள் பரிசோதனை
இந்தியாவில் நேற்று ஒரே நாளில் 20,75,428 மாதிரிகள் பரிசோதனை செய்யப்பட்டுள்ளதாக மத்திய சுகாதாரத்துறை அமைச்சகம் தெரிவித்துள்ளது.