<
அமெரிக்காவில் 7 வாகனங்கள் மீது பால் வண்டி மோதல்: 4 பேர் பலி; பலர் காயம்
அமெரிக்காவில் 8 வாகனங்கள் ஒன்றுடன் ஒன்று மோதி விபத்தில் சிக்கியதில் 4 பேர் உயிரிழந்து உள்ளனர்.
அரிசோனா,
அமெரிக்காவின் அரிசோனா மாகாணத்தில் பீனிக்ஸ் நகரில் சாலையில் பால் ஏற்றி கொண்டு சென்ற லாரி ஒன்று போக்குவரத்து நெரிசலில் நிற்காமல், கட்டுப்பாட்டை இழந்து மற்ற பயணிகள் வாகனங்களுடன் மோதி விபத்திற்குள்ளானது.
இதுபோன்று அந்த வாகனம் 8 வாகனங்கள் மீது அடுத்தடுத்து மோதியுள்ளது. இந்த சம்பவத்தில், அந்த லாரி தீப்பிடித்து முற்றிலும் எரிந்து போனது. இதில் பலர் படுகாயமடைந்தனர். உடனடியாக மீட்பு பணி மேற்கொள்ளப்பட்டது.
எனினும், படுகாயமடைந்தவர்களில் 4 பேர் சிகிச்சை பலனின்றி உயிரிழந்து உள்ளனர். பலர் மீட்கப்பட்டு உள்ளூர் மருத்துவமனைகளுக்கு சிகிச்சைக்காக கொண்டு செல்லப்பட்டு உள்ளனர். அவர்களில் பலரது நிலைமை கவலைக்குரிய வகையில் உள்ளது. இதுபற்றி போலீசார் விசாரணை நடத்தி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
