உலக செய்திகள்

ஐ.எஸ். அமைப்பை கட்டுப்படுத்த முயற்சிக்கும் தலீபான்கள் + "||" + Taliban takes on ISKP, its most serious foe in Afghanistan

ஐ.எஸ். அமைப்பை கட்டுப்படுத்த முயற்சிக்கும் தலீபான்கள்

ஐ.எஸ். அமைப்பை கட்டுப்படுத்த முயற்சிக்கும் தலீபான்கள்
ஆப்கானிஸ்தானில் ஐ.எஸ்.ஐ.எஸ். அமைப்பினர் பல்வேறு பயங்கரவாத தாக்குதல்களை நடத்தி வருகின்றனர்.
காபூல்,

ஆப்கானிஸ்தானில் ஆட்சி அதிகாரத்தை தலீபான்கள் கைப்பற்றினர். அந்நாட்டில் தற்போது தலீபான்கள் இடைக்கால ஆட்சி அமைத்துள்ளனர். 

தலீபான்கள் ஆட்சியமைத்துள்ள போதும் அந்நாட்டில் ஐ.எஸ்.ஐ.எஸ். ஹரசன் பிரிவு போன்ற பயங்கரவாத அமைப்புகளும் செயல்பட்டு வருகின்றன. 

ஆப்கானிஸ்தானில் ஐ.எஸ். ஹரசன் அமைப்பும் அவ்வப்போது தாக்குதல்களை அரங்கேற்றி வருகிறது. குறிப்பாக கடந்த மாதம் 26-ம் தேதி காபூல் விமான நிலையத்தில் ஐ.எஸ். ஹரசன் அமைப்பு தற்கொலைப்படை தாக்குதல் நடத்தியது. இதில் 13 அமெரிக்க வீரர்கள் உள்பட 182 பேர் உயிரிழந்தனர். 

இதனை தொடர்ந்து தலீபான்கள் மீதும் ஐ.எஸ். ஹரசன் அமைப்பினர் தாக்குதல் நடத்தி வருகின்றனர். காபூல், ஜலாலாபாத், மசர்-ஐ-ஷரிப் ஆகிய பகுதிகளில் தலீபான்களை குறிவைத்து கடந்த சில நாட்களாக ஐ.எஸ்.ஹரசன் தாக்குதல் நடத்தியுள்ளது. இந்த தாக்குதலில் 35 தலீபான்கள் கொல்லப்பட்டதாக ஐ.எஸ். அமைப்பு தெரிவித்துள்ளது. ஆனால், இதை தலீபான்கள் மறுத்துள்ளனர்.

இந்நிலையில், ஐ.எஸ்.ஐ.எஸ். ஹரசன் அமைப்பினரை குறிவைத்து தலீபான்கள் தாக்குதல் நடத்தி வருகின்றனர். இதுவரை 80-க்கும் அதிகமான ஐ.எஸ். அமைப்பினரை தலீபான்கள் கைது செய்துள்ளனர். மேலும், ஐ.எஸ். ஹரசன் அமைப்பினரின் முன்னாள் தலைவன் உள்பட பலரை தலீபான்கள் கொலை செய்துள்ளனர். 

மேலும், ஆப்கானிஸ்தானில் ஐ.எஸ். அமைப்பினரை தங்களுக்கு போட்டியாக வளரவிடக்கூடாது என்பதில் தலீபான்கள் அதிக கவனம் செலுத்தி வருகின்றனர். இந்த அதிரடி நடவடிக்கையை தொடர்ந்து தலீபான்கள் - ஐ.எஸ்.ஐ.எஸ். இடையே மோதல் ஏற்படும் சூழ்நிலை உருவாகியுள்ளது.

தொடர்புடைய செய்திகள்

1. ஆப்கானிஸ்தான் விவகாரம்: ரஷியா தலைமையில் நடைபெறும் கூட்டத்தில் பங்கேற்கப்போவதில்லை - அமெரிக்கா அறிவிப்பு
ஆப்கானிஸ்தான் விவகாரம் தொடர்பாக ரஷிய தலைமையில் நடைபெற உள்ள கூட்டத்தில் பங்கேற்கப்போவதில்லை என்று அமெரிக்கா அறிவித்துள்ளது.
2. ஆப்கான் சிறுமிகள் மேல்நிலை கல்வி கற்க விரைவில் அனுமதி- தலீபான்கள் உறுதி
ப்கானிஸ்தானில் உள்ள அனைத்து சிறுமிகளும் மேல்நிலை கல்வி கற்க தலீபான்கள் விரைவில் அனுமதி வழங்குவார்கள் என ஐ.நா.வின் மூத்த அதிகாரி நம்பிக்கை தெரிவித்துள்ளார்.
3. ஆப்கானிஸ்தானில் மரங்களை வெட்ட தடை: தலீபான்கள் அதிரடி உத்தரவு
ஆப்கானிஸ்தானில் மரங்களை வெட்ட தடை விதித்து தலீபான்கள் அதிரடி உத்தரவு பிறப்பித்துள்ளனர்.
4. ஆப்கானிஸ்தான் மசூதியில் தற்கொலைப்படை தாக்குதல்: ஐஎஸ் அமைப்பு பொறுப்பேற்பு
ஆப்கானிஸ்தானில் ஆட்சியில் இருந்த ஜனநாயக அரசை அகற்றிவிட்டு புதிய இடைக்கால அரசை தலீபான்கள் அமைத்துள்ளனர்.
5. தலீபான்களுடன் பேச்சுவார்த்தை: ரஷியா அழைப்பை ஏற்ற இந்தியா
இரண்டு மாதங்களுக்கு முன்பு ஆப்கானிஸ்தானில் அதிகாரத்தைக் கைப்பற்றிய தலீபான்களும் பேச்சுவார்த்தைக்கு அழைக்கப்பட்டுள்ளனர்.