ரஷியாவில் கொரோனா பாதிப்பு மீண்டும் அதிகரிப்பு

மாஸ்கோ, 

ரஷியாவில் தினசரி கொரோனா பாதிப்பு மீண்டும் அதிகரித்துள்ளது.  ரஷியாவில் கொரோனா தடுப்பூசி விகிதம் மந்தமான நிலையில், உள்ளது. அதோடு, கட்டுபாடுகளை விதிக்கவும்  அந்நாட்டு அரசு தயக்கம் காட்டி வருகிறது.  இதனால், ரஷியாவில் மீண்டும் தொற்று பாதிப்பு உயரத்தொடங்கியிருக்கிறது. 

ரஷியாவில் கடந்த 24 மணி நேரத்தில் 29,409- பேருக்கு கொரோனா வைரஸ் தொற்று உறுதி செய்யப்பட்டுள்ளது. தொற்று பாதிப்பால் 957பேர் உயிரிழந்துள்ளனர்.  ரஷியாவில் தொற்று பாதிப்பால் ஒருநாளில் ஏற்பட்ட 2-வது அதிகபட்ச எண்ணிக்கை இதுவாகும். ரஷ்யாவில் தொற்று பாதிப்பு அதிகரிக்கத் தொடங்கியுள்ள போதிலும் அந்நாட்டில் பெரும்பாலும் இயல்பு நிலை திரும்பிவிட்டது.