உலக செய்திகள்

மலேசிய ராணுவ விமானம் பயிற்சியின்போது விபத்து - விமானப்படை அதிகாரி உயிரிழப்பு + "||" + Malaysian military plane crashes during training Air Force officer killed

மலேசிய ராணுவ விமானம் பயிற்சியின்போது விபத்து - விமானப்படை அதிகாரி உயிரிழப்பு

மலேசிய ராணுவ விமானம் பயிற்சியின்போது விபத்து - விமானப்படை அதிகாரி உயிரிழப்பு
மலேசியாவில் பயிற்சியின்போது ராணுவ விமானம் விபத்திற்குள்ளானதில் விமானப்படை அதிகாரி உயிரிழந்தார்.
கோலாலம்பூர்,

மலேசியாவின் விமானப்படையான ராயல் மலேசிய விமானப்படைக்கு சொந்தமான ‘ஹவாக் 108’ ரக விமானம் ஒன்று வழக்கமான பயிற்சிக்காக நேற்று முன்தினம் இரவு தெற்கு கோலாலம்பூரில் இருந்து புறப்பட்டு சென்றது. விமானத்தில் விமானப்படை அதிகாரிகள் 2 பேர் இருந்தனர்.

விமானப்படை தளத்தில் இருந்து கிளம்பிய சிறிது நேரத்தில் உள்ளூர் நேரப்படி இரவு 10.07 மணியளவில் சற்றும் எதிர்பாராத வகையில் விமானம் திடீரென தரையில் விழுந்து நொறுங்கியது.

இதுபற்றி தகவல் கிடைத்ததும் விமானப்படை வீரர்கள் மீட்பு விமானம் மற்றும் ஹெலிகாப்டர்களில் உடனடியாக சம்பவ இடத்துக்கு விரைந்து சென்றனர். ஆனால் அதற்குள் விமானத்தில் பயணம் செய்த 2 விமானப்படை அதிகாரிகளில் ஒருவர் சம்பவ இடத்திலேயே பலியானார். மற்றொரு அதிகாரி படுகாயங்களுடன் உயிர் தப்பினார். அவரை மீட்ட விமானப்படை வீரர்கள் ஹெலிகாப்டரில் ஆஸ்பத்திரிக்கு கொண்டு சென்று சிகிச்சைக்கு சேர்த்தனர். அவர் அபாயக்கட்டத்தை தாண்டிவிட்டார் என டாக்டர்கள் தெரிவித்ததாக அங்கிருந்து வரும் தகவல்கள் தெரிவிக்கின்றன.

இந்த விபத்தில் உயிரிழந்த விமானப்படை அதிகாரியின் குடும்பத்துக்கு ஆழ்ந்த இரங்கல் தெரிவித்துள்ள மலேசிய ராணுவம், விபத்துக்கான காரணம் குறித்து விசாரணை நடத்திய அறிக்கை தாக்கல் செய்யும்படி விமானப்படைக்கு உத்தரவிட்டுள்ளது.

தொடர்புடைய செய்திகள்

1. பொம்மை குடோனில் பயங்கர தீ விபத்து தீயணைப்பு வீரர்கள் 8 மணி நேரம் போராடி அணைத்தனர்
செங்குன்றம் அருகே பொம்மை குடோனில் பயங்கர தீ விபத்து ஏற்பட்டது. தீயணைப்பு வீரர்கள் சுமார் 8 மணி நேரம் போராடி தீயை அணைத்தனர்.
2. தென்ஆப்பிரிக்கா: மினி பஸ்கள் மோதி விபத்து - 9 பேர் பலி
தென்ஆப்பிரிக்காவின் கேப் மாகாணத்தில் மினி பஸ்கள் எதிரெதிரே மோதிய விபத்தில் சிக்கி 9 பேர் பலியாகினர்.
3. அரிசி ஏற்றுமதி நிறுவன அலுவலகத்தில் தீ விபத்து
பாரிமுனையில் உள்ள அரிசி ஏற்றுமதி நிறுவன அலுவலகத்தில் தீ விபத்து ஏற்பட்டது. மாடியில் புகை மூட்டத்தில் சிக்கிய 3 பேர் பத்திரமாக மீட்கப்பட்டனர்.
4. பட்டாசு ஆலையில் வெடி விபத்து; உரிமையாளர் உள்பட 4 பேர் பலி
சாத்தூர் அருகே பட்டாசு ஆலையில் ஏற்பட்ட வெடி விபத்தில், அந்த ஆலையின் உரிமையாளர் உள்பட 4 பேர் உயிரிழந்தனர். மேலும் 3 பேர் படுகாயம் அடைந்தனர்.
5. ஏ.சி. எந்திரத்தில் கியாஸ் நிரப்பும்போது விபத்து: சிலிண்டர் வெடித்து தொழிலாளி பலி 4 பேர் படுகாயம்
சென்னையில் ஏ.சி.எந்திரத்தில் கியாஸ் நிரப்பும் போது சிலிண்டர் வெடித்து 4 பேர் படுகாயம் அடைந்தனர். ஒருவர் சிகிச்சை பலனின்றி உயிரிழந்தார்.