கிரிக்கெட்

இந்தியா-பாகிஸ்தான் கிரிக்கெட் பிரச்சினை: துபாயில் ஐசிசி குழு விசாரணை + "||" + Sethi presents arguments before ICC tribunal over botched cricket agreement with India

இந்தியா-பாகிஸ்தான் கிரிக்கெட் பிரச்சினை: துபாயில் ஐசிசி குழு விசாரணை

இந்தியா-பாகிஸ்தான் கிரிக்கெட் பிரச்சினை: துபாயில் ஐசிசி குழு விசாரணை
இந்தியா- பாகிஸ்தான் அணிகளுக்கு இடையிலான கிரிக்கெட் தொடரை நடத்துவது குறித்து எழுந்துள்ள பிரச்சினை குறித்து சர்வதேச கிரிக்கெட் கவுன்சிலின் தகராறுகள் தீர்ப்பாயத்தின் விசாரணை தொடங்கியுள்ளது.
துபாய்

2008 ஆம் மும்பையில் நடந்த தீவிரவாத தாக்குதலுக்குப் பிறகு இந்தியா - பாகிஸ்தான் அணிகள் மட்டும் இணைந்து முழு தொடரில் விளையாடவில்லை. இருந்தாலும் மற்ற சர்வதேச தொடர்களில் இரு அணிகளும் பங்கேற்று விளையாடி வருகிறது.
இரு அணிகளும் 24 போட்டிகளில் விளையாட புரிந்துணர்வு ஒப்பந்தம் செய்திருந்தது. இந்தப் போட்டிகள் நடத்தப்படாததால் பாகிஸ்தான் அணிக்கு பல கோடி நஷ்டம் ஏற்பட்டுள்ளதாக கூறப்படுகிறது.

இதையடுத்து புரிந்துணர்வு ஒப்பந்தத்தை இந்திய கிரிக்கெட் வாரியம் மீறிவிட்டதாகவும் இதன் காரணமாக 70 மில்லியன் அமெரிக்க டாலர்கள் (சுமார் 500 கோடி ரூபாய்) இழப்பீடாக வழங்க வேண்டும் என்று பாகிஸ்தான் கிரிக்கெட் வாரியம் இந்திய கிரிக்கெட் வாரியத்துக்கு நோட்டீஸ் அனுப்பியது. பின்னர் சர்வதேச கிரிக்கெட் கவுன்சிலிலும் புகார் செய்தது.

இந்நிலையில் இந்தப் பிரச்சினை பற்றி பேசி முடிவெடுக்க சர்வதேச கிரிக்கெட் கவுன்சிலின் (Dispute Resolutions Committee) தகராறுகள் தீர்ப்பாயம் முடிவு செய்தது. அதன்படி அதன் தலைவர், மைக்கேல் பிளாஃப் தலைமையில் ஜேன் பால்சன், அன்னபெல் பென்னட் ஆகியோரை கொண்ட குழு துபாயில் நேற்று விசாரணையை தொடங்கியுள்ளது.

பாகிஸ்தானுக்கும் இந்தியாவுக்கும் இடையிலான இருதரப்புத் தொடரின்போது கிரிக்கெட் ஒப்பந்தம் தொடர்பாக ஐ.சி.சி.யின் சர்ச்சை தீர்வுகள் குழுவிற்கு முன்பு முன்னாள் பாகிஸ்தான் கிரிக்கெட் வாரிய தலைவர் நஜம் சேத்தி  ஆஜரானார்.

எனினும் இந்திய கிரிக்கெட் கட்டுப்பாட்டு வாரியம் (பி.சி.சி.ஐ.)  பாகிஸ்தானுக்கு எதிராக விளையாட அரசு அனுமதிக்காத வரை இந்த ஒப்பந்தத்தை சட்டப்பூர்வமாக கட்டுப்படுத்த முடியாது என்று கூறியுள்ளது.இந்த  விசாரணை நாளை வரை நீடிக்கிறது.

பாகிஸ்தான் கிரிக்கெட் போர்டு சார்பாக  நஜம் ஆஜரானார். ரத்னகர் ஷெட்டி, பி.சி.சி.ஐ. சார்பில் ஆஜரானார்.



தொடர்புடைய செய்திகள்

1. அசாருதீனுக்கு ஒரு நியாயம் எனக்கு ஒரு நியாயமா? : ஸ்ரீசாந்த் குமுறல்
இந்திய கிரிக்கெட் அணியின் முன்னாள் கேப்டன் அசாருதீனுக்கு ஒரு நியாயம் எனக்கு ஒரு நியாயமா? என்று வேகப்பந்து வீச்சாளர் ஸ்ரீசாந்த் சுப்ரீம் கோர்ட்டுக்கு கேள்வி எழுப்பியுள்ளார்.
2. பாகிஸ்தான் ஆக்கி அணியின் பயிற்சியாளர் மீது புகார்
உதவி பயிற்சியாளர் டேனிஷ் கலீம் அடையாள அட்டை இல்லாமல் வீரர்கள் இருக்கும் இடத்துக்கு செல்ல முயன்ற போது பாதுகாப்பு அதிகாரிகள் தடுத்ததாகவும், அவர்களிடம் அதிகார தோரணையில் நடந்து கொண்டதாகவும் புகார் தெரிவிக்கப்பட்டுள்ளது.
3. பா.ஜனதா இஸ்லாம் மற்றும் பாகிஸ்தானுக்கு எதிரான நிலைப்பாட்டை கொண்டுள்ளது - பாகிஸ்தான் பிரதமர் இம்ரான் கான்
பா.ஜனதா இஸ்லாம் மற்றும் பாகிஸ்தானுக்கு எதிரான நிலைப்பாட்டை கொண்டுள்ளது என பாகிஸ்தான் பிரதமர் இம்ரான் கான் கூறியுள்ளார்.
4. ஆஸ்திரேலியாவுக்கு எதிரான முதல் டெஸ்டில் புஜாரா சதம்
ஆஸ்திரேலியாவுக்கு எதிரான முதல் டெஸ்டில் புஜாரா சதம் அடித்து உள்ளார்.
5. அனைத்து கிரிக்கெட்டில் இருந்தும் கவுதம் கம்பீர் ஓய்வு; அரசியலில் இன்னிங்சை தொடங்குகிறார்
இந்திய கிரிக்கெட் அணியின் தொடக்க வீரர் கவுதம் கம்பீர், அனைத்து வித கிரிக்கெட்டில் இருந்தும் ஓய்வு பெறப்போவதாக அறிவித்துள்ளார்.