பயிற்சியின் போது பந்து தாக்கி விஜய் சங்கர் காயம்

சவுதம்டன், 

இந்திய கிரிக்கெட் அணியின் ஆல்–ரவுண்டரான தமிழகத்தை சேர்ந்த விஜய் சங்கர் நேற்று முன்தினம் சவுதம்டனில் பயிற்சியில் ஈடுபட்ட போது சக வீரர் ஜஸ்பிரித் பும்ரா வீசிய பந்து அவரது கால் பெருவிரலில் தாக்கியது. இதில் வலியால் துடித்த விஜய் சங்கர் நேற்று பயிற்சியில் ஈடுபடவில்லை. இருப்பினும் விஜய் சங்கர் நல்ல நிலையில் இருப்பதாக பும்ரா தெரிவித்துள்ளார். விஜய் சங்கர் உலக கோப்பை கிரிக்கெட் போட்டியில் பாகிஸ்தானுக்கு எதிரான லீக் ஆட்டத்தில் தனது முதல் பந்திலேயே விக்கெட் வீழ்த்தி சாதனை படைத்தவர் என்பது குறிப்பிடத்தக்கது. காயம் லேசானது என்றாலும் ஆப்கானிஸ்தானுக்கு எதிராக நாளை நடைபெறும் லீக் ஆட்டத்தில் விஜய் சங்கர் ஆடுவாரா என்பதில் சந்தேகம் நிலவுகிறது.