கிரிக்கெட்

தென்ஆப்பிரிக்கா-இலங்கை அணிகள் இன்று மோதல் + "||" + South Africa Sri Lankan teams Today Match

தென்ஆப்பிரிக்கா-இலங்கை அணிகள் இன்று மோதல்

தென்ஆப்பிரிக்கா-இலங்கை அணிகள் இன்று மோதல்
உலக கோப்பை கிரிக்கெட்டில் அரைஇறுதி வாய்ப்பில் நீடிக்கும் முனைப்புடன் உள்ள இலங்கை அணி இன்று தென்ஆப்பிரிக்காவுடன் மோதுகிறது.
செஸ்டர் லீ ஸ்டிரிட்,

உலக கோப்பை கிரிக்கெட்டில் செஸ்டர் லீ ஸ்டிரிட்டில் இன்று (வெள்ளிக்கிழமை) நடக்கும் 35-வது லீக் ஆட்டத்தில் முன்னாள் சாம்பியன் இலங்கை அணி, தென்ஆப்பிரிக்காவை எதிர்கொள்கிறது.

2 வெற்றி, 2 தோல்வி, 2 முடிவில்லை என்று 6 புள்ளிகள் பெற்றுள்ள இலங்கை அணி எஞ்சிய 3 ஆட்டங்களிலும் வெற்றி பெற்றால் மட்டுமே அரைஇறுதி வாய்ப்பு பற்றி சிந்திக்க முடியும். ஒன்றில் தோற்றாலும் சிக்கல் தான்.


அடிக்கடி கேப்டன்கள் மாற்றம், போதிய அனுபவம் கிடையாது, சொல்லிக்கொள்ளும்படியான அதிரடி சூரர்களும் இல்லை. இப்படி எந்தவித எதிர்பார்ப்பும் இல்லாமல் வந்த இலங்கை அணி, பலம் வாய்ந்த இங்கிலாந்தை தோற்கடித்து அனைவரின் கவனத்தையும் ஈர்த்துள்ளது. அதுவும் 232 ரன்கள் மட்டுமே எடுத்து அதை கொண்டு இங்கிலாந்தை 212 ரன்களில் சுருட்டி அசத்தியது. ‘யார்க்கர் மன்னன்’ மலிங்கா 4 விக்கெட்டுகள் வீழ்த்தி விசுவரூபம் எடுத்தார். அந்த வெற்றி இலங்கையின் நம்பிக்கையையும், உத்வேகத்தையும் அதிகப்படுத்தியுள்ளது.

இதுவரை 7 ஆட்டங்களில் விளையாடி ஒன்றில் மட்டுமே (ஆப்கானிஸ்தானுக்கு எதிராக) வெற்றி கண்டுள்ள தென்ஆப்பிரிக்க அணி ஏற்கனவே அரைஇறுதி வாய்ப்பை இழந்து விட்டது. தென்ஆப்பிரிக்க அணியில் பேட்டிங் மோசமாக உள்ளது. குயின்டான் டி காக் எடுத்த 68 ரன்களே தனிநபர் அதிகபட்சமாக உள்ளது. இதே போல் பந்து வீச்சும் பெரிய அளவில் இல்லை. இதனால் அணியில் சில மாற்றங்கள் செய்யப்படலாம். இது அந்த அணிக்கு சம்பிரதாய மோதல் என்றாலும் முடிந்த வரை உயரிய நிலையுடன் தாயகம் திரும்ப விரும்புவார்கள்.

கடந்த மார்ச் மாதம் இலங்கை அணி தென்ஆப்பிரிக்காவுக்கு சென்ற போது 5 போட்டிகள் கொண்ட ஒரு நாள் தொடரில் 0-5 என்ற கணக்கில் தோற்றது. அந்த தோல்விக்கு இலங்கை வீரர்கள் பதிலடி கொடுக்க முயற்சிப்பார்கள்.

வீரர்கள் விவரம் - போட்டிக்கான இரு அணிகளின் உத்தேச பட்டியல் வருமாறு:-

தென்ஆப்பிரிக்கா: அம்லா, குயின்டான் டி காக், பாப் டு பிளிஸ்சிஸ் (கேப்டன்), மார்க்ராம் அல்லது டுமினி, வான்டெர் துஸ்சென், டேவிட் மில்லர், பெலக்வாயோ, கிறிஸ் மோரிஸ், ரபடா அல்லது பீரன் ஹென்ரிக்ஸ், நிகிடி, இம்ரான் தாஹிர்.

இலங்கை: கருணாரத்னே (கேப்டன்), குசல் பெரேரா, அவிஷ்கா பெர்னாண்டோ, குசல் மென்டிஸ், மேத்யூஸ், ஜீவன் மென்டிஸ், தனஞ்ஜெயா டி சில்வா, திசரா பெரேரா, உதனா, மலிங்கா, லக்மல்.

இந்திய நேரப்படி பிற்பகல் 3 மணிக்கு தொடங்கும் இந்த ஆட்டத்தை ஸ்டார் ஸ்போர்ட்ஸ் சேனல் நேரடி ஒளிபரப்பு செய்கிறது.

தொடர்புடைய செய்திகள்

1. வங்காளதேசம்-இலங்கை அணிகள் இன்று மோதல்
உலக கோப்பை கிரிக்கெட் போட்டியில் இன்று நடைபெறும் லீக் ஆட்டத்தில் வங்காளதேசம்-இலங்கை அணிகள் மோதுகின்றன.
2. உலக கோப்பை கிரிக்கெட் : தென்ஆப்பிரிக்கா - வெஸ்ட் இண்டீஸ் ஆட்டம் மழையால் ரத்து
உலக கோப்பை கிரிக்கெட் போட்டியில் தென்ஆப்பிரிக்கா மற்றும் வெஸ்ட் இண்டீஸ் அணிகளுக்கு இடையேயான ஆட்டம் மழையின் காரணமாக கைவிடப்பட்டது.
3. துளிகள்
தென்ஆப்பிரிக்கா முன்னணி சுழற்பந்து வீச்சாளர் இம்ரான் தாஹிர், உலக கோப்பை கிரிக்கெட் போட்டியுடன் ஒரு நாள் போட்டியில் இருந்து ஓய்வு பெறுவதாக அறிவித்துள்ளார்.
4. தென் ஆப்பிரிக்காவில் உரிமம் இன்றி 25 ஆண்டுகள் விமானம் ஓட்டிய என்ஜினீயர்
தென் ஆப்பிரிக்காவில் உரிமம் இன்றி 25 ஆண்டுகள் விமானம் ஓட்டிய என்ஜினீயர் குட்டு அம்பலமானதால் பதவி விலகினார்.
5. தென்ஆப்பிரிக்க மண்ணில் வரலாறு படைக்குமா இலங்கை அணி? 2-வது டெஸ்ட் இன்று தொடக்கம்
தென்ஆப்பிரிக்க மண்ணில் முதல்முறையாக தொடரை வென்று வரலாறு படைக்கும் முனைப்புடன் இலங்கை அணி 2-வது டெஸ்டில் இன்று களம் இறங்குகிறது.