நியூசிலாந்து அணியின் சரிவை தடுத்தார், டெய்லர்

காலே,

இலங்கை - நியூசிலாந்து அணிகள் இடையிலான 2 போட்டிகள் கொண்ட டெஸ்ட் தொடரில் முதலாவது டெஸ்ட் போட்டி காலேயில் நேற்று தொடங்கியது. இதில் ‘டாஸ்’ ஜெயித்து முதலில் பேட் செய்த நியூசிலாந்து அணி முதல் இன்னிங்சில் 68 ஓவர்களில் 5 விக்கெட்டுக்கு 203 ரன்கள் எடுத்திருந்த போது பலத்த மழை பெய்தது. இதனால் அத்துடன் முதல் நாள் ஆட்டம் முடித்துக் கொள்ளப்பட்டது. அணியை சரிவில் இருந்து காப்பாற்றிய முன்னாள் கேப்டன் ராஸ் டெய்லர் 86 ரன்களுடனும் (131 பந்து, 6 பவுண்டரி), சான்ட்னெர் 8 ரன்னுடனும் களத்தில் உள்ளனர். கேப்டன் வில்லியம்சன் டக்-அவுட் ஆனார். இலங்கை தரப்பில் 5 விக்கெட்டுகளையும் சுழற்பந்து வீச்சாளர் அகிலா தனஞ்ஜெயா அள்ளினார். இன்று 2-வது நாள் ஆட்டம் நடைபெறும்.