கிரிக்கெட்

20 ஓவர் கிரிக்கெட்: பாகிஸ்தானை வீழ்த்தியது ஆஸ்திரேலியா + "||" + Cricket T20: Australia defeated Pakistan

20 ஓவர் கிரிக்கெட்: பாகிஸ்தானை வீழ்த்தியது ஆஸ்திரேலியா

20 ஓவர் கிரிக்கெட்: பாகிஸ்தானை வீழ்த்தியது ஆஸ்திரேலியா
20 ஓவர் கிரிக்கெட் போட்டியில், பாகிஸ்தானை ஆஸ்திரேலியா அணி வீழ்த்தியது. அந்த அணி வீரர் ஸ்டீவன் சுமித் 80 ரன்கள் விளாசினார்.
கான்பெர்ரா,

கான்பெர்ராவில் நடந்த 2-வது 20 ஓவர் கிரிக்கெட் போட்டியில் ஆஸ்திரேலிய அணி 7 விக்கெட் வித்தியாசத்தில் பாகிஸ்தானை பதம் பார்த்தது. ஸ்டீவன் சுமித் 80 ரன்கள் விளாசினார்.

ஆஸ்திரேலியா - பாகிஸ்தான் அணிகள் இடையிலான 2-வது 20 ஓவர் கிரிக்கெட் போட்டி கான்பெர்ராவில் நேற்று நடந்தது. ‘டாஸ்’ ஜெயித்து முதலில் பேட் செய்த பாகிஸ்தான் அணி வெகுவாக தடுமாறியது. கேப்டன் பாபர் அசாம் நிலைத்து நின்று ஆட இன்னொரு புறம் பஹார் ஜமான் (2 ரன்), ஹாரிஸ் சோகைல் (6 ரன்), விக்கெட் கீப்பர் முகமது ரிஸ்வான் (14 ரன்), ஆசிப் அலி (4 ரன்) வரிசையாக நடையை கட்டினர். அணியை சரிவில் இருந்து மீட்க போராடிய கேப்டன் பாபர் அசாம் 50 ரன்களில் (38 பந்து, 6 பவுண்டரி) ரன்-அவுட் ஆனார்.


இறுதி ஆட்டத்தில் இப்திகார் அகமது பாகிஸ்தான் அணியை தூக்கி நிறுத்தினர். கேன் ரிச்சர்ட்சனின் ஒரே ஓவரில் 2 சிக்சர், 2 பவுண்டரி விரட்டியடித்தார். அவரது அதிரடி ஜாலத்தால் பாகிஸ்தான் அணி 6 விக்கெட்டுக்கு 150 ரன்கள் என்ற சவாலான ஸ்கோரை எட்டிப்பிடித்தது. கடைசி 5 ஓவர்களில் மட்டும் 63 ரன்கள் திரட்டினர். இப்திகார் அகமது 62 ரன்களுடன் (34 பந்து, 5 பவுண்டரி, 3 சிக்சர்) அவுட் ஆகாமல் இருந்தார்.

அடுத்து களம் இறங்கிய ஆஸ்திரேலிய அணிக்கு சீரான இடைவெளியில் விக்கெட் விழுந்தது. டேவிட் வார்னர் 20 ரன்களில் கிளன் போல்டு ஆனார். கடந்த 5 இன்னிங்சில் முதல்முறையாக அவர் ஆட்டம் இழந்து இருக்கிறார். கேப்டன் ஆரோன் பிஞ்ச் 17 ரன்னிலும், பென் மெக்டெர்மோட் 21 ரன்னிலும் வெளியேறினர். இதற்கு மத்தியில் நங்கூரம் பாய்ச்சியது போல் நிலைகொண்டு விளையாடிய முன்னாள் கேப்டன் ஸ்டீவன் சுமித் பாகிஸ்தானின் பந்து வீச்சை சிதறடித்து தங்கள் அணியை வெற்றிப்பாதைக்கு அழைத்துச் சென்றார்.

ஆஸ்திரேலிய அணி 18.3 ஓவர்களில் 3 விக்கெட் இழப்புக்கு 151 ரன்கள் சேர்த்து 7 விக்கெட் வித்தியாத்தில் வெற்றி பெற்றது. தனது 4-வது அரைசதத்தை கடந்த ஸ்டீவன் சுமித் 80 ரன்களுடனும் (51 பந்து, 11 பவுண்டரி, ஒரு சிக்சர்), ஆஷ்டன் டர்னர் 8 ரன்னுடன் களத்தில் இருந்தனர். சர்வதேச 20 ஓவர் கிரிக்கெட்டில் பாகிஸ்தான் தொடர்ச்சியாக சந்தித்த 5-வது தோல்வி இதுவாகும். அதே சமயம் ஆஸ்திரேலியா தொடர்ச்சியாக ருசித்த 6-வது வெற்றியாக இது பதிவானது.

இந்த வெற்றியின் மூலம் 3 போட்டிகள் கொண்ட இந்த தொடரில் ஆஸ்திரேலியா 1-0 என்ற கணக்கில் முன்னிலை வகிக்கிறது. முதலாவது ஆட்டம் மழையால் பாதியில் ரத்தானது. இவ்விரு அணிகள் இடையிலான 3-வது மற்றும் கடைசி 20 ஓவர் போட்டி பெர்த்தில் வருகிற 8-ந்தேதி நடக்கிறது.


தொடர்புடைய செய்திகள்

1. பாகிஸ்தான் கிரிக்கெட் வீரர் என் கழுத்தில் கத்தியை வைத்தார் முன்னாள் பயிற்சியாளர் அதிர்ச்சி தகவல்
பாகிஸ்தான் கிரிக்கெட் வீரர் யூனிஸ் கான் என் கழுத்தில் கத்தியை வைத்து மிரட்டினார் என பாகிஸ்தானின் முன்னாள் பேட்டிங் பயிற்சியாளர் கிராண்ட் பிளவர் அதிர்ச்சியூட்டும் தகவலை தெரிவித்து உள்ளார்.
2. இந்தியாவுடனான மோதல்: சீனா இராணுவத்தில் புரட்சி வெடிக்க வாய்ப்பு...! மூத்த தலைவர் எச்சரிக்கை
இந்தியாவுடனான மோதல் காரணமாக சீனாவின் இராணுவத்தில் புரட்சி வெடிக்க கண்டிப்பாக வாய்ப்புள்ளது என்று அந்நாட்டின் மூத்த தலைவர் எச்சரித்துள்ளார்.
3. கராச்சி பங்குசந்தை கட்டிட தாக்குதல: பாகிஸ்தான் குற்றச்சாட்டுக்கு இந்தியா பதிலடி
பாகிஸ்தான் தனது உள்நாட்டுப் பிரச்சினைகளைச் சமாளிக்க முடியாமல், மக்களின் கவனத்தைத் திசைதிருப்ப இந்தியா மீது வீண் பழிசுமத்துகிறது என இந்திய தரப்பில் கூறப்பட்டு உள்ளது.
4. ஒசாமா பின்லேடனை தியாகி என குறிப்பிட்ட பாகிஸ்தான் பிரதமர் இம்ரான்கான் ;வலுக்கும் எதிர்ப்பு
பயங்கரவாதியான ஒசாமா பின்லேடனை தியாகி என பாகிஸ்தான் பிரதமர் இம்ரான் கான் குறிப்பிட்டுள்ளது சர்ச்சையை ஏற்படுத்தியுள்ளது.
5. விசா குறித்து எழுத்துபூர்வமாக உத்தரவாதம் கேட்பதா? பாகிஸ்தான் கிரிக்கெட் வாரியத்துக்கு இந்தியா பதிலடி
இந்தியாவில் நடக்கும் உலக கோப்பை கிரிக்கெட் போட்டிகளில் பங்கேற்க விசா பிரச்சினை எதுவும் இருக்காது என்று எழுத்துபூர்வமாக உத்தரவாதம் அளிக்க வேண்டும் என்று பாகிஸ்தான் கிரிக்கெட் வாரியம் விதித்த நிபந்தனைக்கு இந்திய கிரிக்கெட் வாரியம் பதிலடி கொடுத்துள்ளது.