டி.என்.பி.எல். கிரிக்கெட் : திண்டுக்கல் அணிக்கு எதிரான ஆட்டத்தில் சேலம் அணி பேட்டிங் தேர்வு

சேலம்,

8 அணிகள் பங்கேற்றுள்ள 6-வது டி.என்.பி.எல். 20 ஓவர் கிரிக்கெட் தொடர் நெல்லையில் கடந்த மாதம் 23-ந் தேதி தொடங்கியது. நெல்லை, திண்டுக்கல், கோவை ஆகிய இடங்களில் நடந்து முடிந்துள்ளன. 2 நாள் ஓய்வை தொடர்ந்து கடைசி கட்ட லீக் ஆட்டங்கள் சேலத்தை அடுத்த வாழப்பாடியில் உள்ள சேலம் கிரிக்கெட் பவுண்டேசன் மைதானத்தில் நடக்கிறது.

இன்று நடைபெறும் கடைசி லீக் ஆட்டத்தில் சேலம் - திண்டுக்கல் அணிகள் மோதுகின்றன.இரு அணிகளும் பிளே ஆப் சுற்று வாய்ப்பை இழந்ததால் ஆறுதல் வெற்றியுடன் தொடரை நிறைவு செய்ய இரு அணிகளும் தீவிரமாக விளையாடும் .இந்த போட்டிக்கான டாஸ் போடப்பட்டது.அதில் டாஸ் வென்ற சேலம் அணி முதலில் பேட்டிங்கைதேர்வு செய்தது.