ஆசிய கோப்பை கால்பந்து போட்டியில் சீன அணி வெற்றி

அபுதாபி,

17-வது ஆசிய கோப்பை கால்பந்து போட்டி ஐக்கிய அரபு அமீரகத்தில் நடந்து வருகிறது. இதில் பங்கேற்றுள்ள 24 அணிகள் 6 பிரிவாக பிரிக்கப்பட்டு லீக்கில் மோதி வருகின்றன. நேற்று நடந்த லீக் ஆட்டம் ஒன்றில் சீன அணி 2-1 என்ற கோல் கணக்கில் கிர்கிஸ்தானை வீழ்த்தியது. மற்றொரு ஆட்டத்தில் தென்கொரியா அணி 1-0 என்ற கோல் கணக்கில் பிலிப்பைன்சை சாய்த்தது. இன்று (செவ்வாய்க்கிழமை) நடைபெறும் லீக் ஆட்டங்களில் ஈராக்-வியட்நாம் (இரவு 7 மணி), சவூதி அரேபியா-வடகொரியா (இரவு 9.30 மணி) அணிகள் மோதுகின்றன.