சீனியர் டிவிசன் லீக் கால்பந்து: ஏ.ஜி.அலுவலகம்-சுங்க இலாகா ஆட்டம் 'டிரா'

சென்னை,

சென்னை கால்பந்து சங்கம் சார்பில் சீனியர் டிவிசன் லீக் கால்பந்து போட்டி ஐ.சி.எப். ஸ்டேடியத்தில் நடந்து வருகிறது. இதில் நேற்று நடந்த ஆட்டத்தில் ஏ.ஜி.அலுவலகம்-சுங்க இலாகா அணிகள் பலப்பரீட்சை நடத்தின. விறுவிறுப்பான இந்த ஆட்டம் 1-1 என்ற கோல் கணக்கில் டிராவில் முடிந்தது. 34-வது நிமிடத்தில் சுங்க இலாகா வீரர் ரஞ்சித் தடுத்த பந்து கோல் வளையத்துக்குள் புகுந்து சுயகோலானது. 55-வது நிமிடத்தில் சுங்க இலாகா வீரர் அஜய் பதில் கோல் திருப்பினார்.

இன்று நடைபெறும் லீக் ஆட்டங்களில் நேதாஜி கிளப்-இந்தியன் வங்கி (காலை 6.30 மணி), ஐ.சி.எப்.-சுவராஜ் கிளப் (மாலை 4 மணி) அணிகள் மோதுகின்றன.