கால்பந்து தரவரிசை: அர்ஜென்டினா முன்னேற்றம்

ஷூரிஜ்,

சர்வதேச கால்பந்து சம்மேளனம் அணிகளின் புதிய தரவரிசை பட்டியலை நேற்று வெளியிட்டது. இதில் சமீபத்தில் உலக சாம்பியன் பட்டத்தை 3-வது முறையாக கைப்பற்றிய அர்ஜென்டினா ஒரு இடம் முன்னேறி 2-வது இடத்தை பிடித்துள்ளது.

இறுதிப்போட்டியில் தோல்வி அடைந்த பிரான்ஸ் 4-ல் இருந்து 3-வது இடத்துக்கு வந்துள்ளது. கால்இறுதியுடன் வெளியேறிய போதிலும் பிரேசில் 'நம்பர் ஒன்' இடத்தை தக்க வைத்தது.

உலகக் கோப்பை போட்டியில் அரைஇறுதி வரை முன்னேறி சாதனை படைத்த மொராக்கோ 17 இடங்கள் உயர்ந்து 11-வது இடம் வகிக்கிறது. இந்தியா மாற்றமின்றி 106-வது இடத்தில் இருக்கிறது.