ஹாக்கி

உலக ஆக்கி தொடர்: இந்திய அணி இறுதிப்போட்டிக்கு முன்னேற்றம் + "||" + World hockey series: progress to the Indian team final

உலக ஆக்கி தொடர்: இந்திய அணி இறுதிப்போட்டிக்கு முன்னேற்றம்

உலக ஆக்கி தொடர்: இந்திய அணி இறுதிப்போட்டிக்கு முன்னேற்றம்
உலக ஆக்கி தொடர் இறுதி சுற்றின் அரைஇறுதியில் இந்திய அணி 7-2 என்ற கோல் கணக்கில் ஜப்பானை வீழ்த்தி இறுதிப்போட்டிக்கு முன்னேறியது.
புவனேசுவரம்,

2-வது உலக ஆக்கி தொடர் இறுதி சுற்று போட்டி ஒடிசா தலைநகர் புவனேசுவரத்தில் நடந்து வருகிறது. இதில் நேற்று நடந்த முதலாவது அரைஇறுதி ஆட்டத்தில் தென்ஆப்பிரிக்கா-அமெரிக்கா அணிகள் மோதின.

விறுவிறுப்பான இந்த ஆட்டத்தில் தென்ஆப்பிரிக்கா 2-1 என்ற கோல் கணக்கில் அமெரிக்காவை வீழ்த்தி இறுதிப்போட்டிக்குள் நுழைந்தது. தென்ஆப்பிரிக்க அணியில் ஆஸ்டின் சுமித் 42-வது நிமிடத்திலும், நிகோலஸ் 60-வது நிமிடத்திலும் கோல் அடித்தனர். அமெரிக்க அணியில் காப்பெலெர் அகி 15-வது நிமிடத்தில் கோல் போட்டார்.


மற்றொரு அரைஇறுதியில் உலக தரவரிசையில் 5-வது இடத்தில் இருக்கும் இந்திய அணி, ஆசிய விளையாட்டு சாம்பியனான ஜப்பானை எதிர்கொண்டது. இதில் ஜப்பான் அணி முதலில் கோல் அடித்தது. ஆனால் இந்த முன்னிலை நீண்ட நேரம் நீடிக்கவில்லை. பின்னர் ஆதிக்கம் செலுத்திய இந்திய அணி 7-2 என்ற கோல் கணக்கில் ஜப்பானை விரட்டியடித்து இறுதிப்போட்டிக்கு முன்னேறியது. இந்திய அணியில் ரமன்தீப் சிங் 2 கோலும் (23 மற்றும் 37-வது நிமிடம்), தனது 100-வது ஆட்டத்தில் ஆடிய ஹர்மன்பிரீத் சிங் (7-வது நிமிடம்), வருண்குமார் (14-வது நிமிடம்), ஹர்திக் சிங் (25-வது நிமிடம்), குர்சாகிப்ஜித் சிங் (43-வது நிமிடம்), விவேக் பிரசாத் (47-வது நிமிடம்) ஆகியோர் தலா ஒரு கோலும் அடித்தனர்.

முன்னதாக நடந்த 5-வது இடத்துக்கான ஆட்டத்தில் ரஷியா அணி 3-2 என்ற கோல் கணக்கில் போலந்தை சாய்த்து 5-வது இடத்தை தனதாக்கியது. போலாந்து அணி 6-வது இடத்துக்கு தள்ளப்பட்டது.

இன்று (சனிக்கிழமை) நடைபெறும் இறுதிப்போட்டியில் இந்தியா-தென்ஆப்பிரிக்கா (இரவு 7.15 மணி) அணிகள் மோதுகின்றன. முன்னதாக மாலை 5 மணிக்கு நடைபெறும் 3-வது இடத்துக்கான ஆட்டத்தில் அமெரிக்கா-ஜப்பான் அணிகள் சந்திக்கின்றன. இந்த போட்டியில் முதல் 2 இடங்களுக்குள் வந்ததன் மூலம் இந்தியா, தென்ஆப்பிரிக்கா அணிகள் அடுத்த ஒலிம்பிக் போட்டிக்கான தகுதி சுற்று போட்டிக்கு தேர்வாகி விட்டன.


தொடர்புடைய செய்திகள்

1. டிக்கெட் கிடைப்பதில் தாமதம்; இந்திய அணி இறுதிப்போட்டி வரை இங்கிலாந்தில் இருக்கும் - தகவல்கள்
இந்தியா உலக கோப்பையை விட்டு வெளியேறியது. டிக்கெட் கிடைப்பதில் தாமதம் ஏற்பட்டுள்ளதால் அணி இங்கிலாந்தை விட்டு வெளியேறுவதில் சிக்கல் ஏற்பட்டுள்ளது.
2. அரைஇறுதிக்கு முன்னேறும் முனைப்பில் இந்திய அணி - வங்காளதேசத்துடன் இன்று மோதல்
உலக கோப்பை கிரிக்கெட் போட்டியில் இன்று நடைபெறும் லீக் ஆட்டத்தில் இந்தியா-வங்காளதேசம் அணிகள் மோதுகின்றன.
3. இங்கிலாந்துக்கு எதிரான ஆட்டம்: இந்திய அணியின் 4-வது வரிசை வீரராக ரிஷாப் பண்ட் - ரோகித் சர்மா கருத்து
இங்கிலாந்துக்கு எதிரான ஆட்டத்தில் இந்திய அணியின் 4-வது வரிசை வீரராக ரிஷாப் பண்ட் களம் இறக்கப்பட்டது குறித்து ரோகித் சர்மா கருத்து தெரிவித்துள்ளார்.
4. இங்கிலாந்துக்கு எதிரான ஆட்டத்தில் இந்திய அணிக்கு ஆதரவு அளிக்கும் பாகிஸ்தான் ரசிகர்கள்
இங்கிலாந்துக்கு எதிரான ஆட்டத்தில், இந்திய அணிக்கு பாகிஸ்தான் ரசிகர்கள் ஆதரவாக உள்ளனர்.
5. சச்சின், லாரா சாதனையை முறியடிக்க காத்திருக்கும் விராட் கோலி..!
கிரிக்கெட் உலகில் பல வியத்தகு சாதனைகளை படைத்து வரும் விராட் கோலி, மற்றொரு சாதனையை படைக்க உள்ளார்.