மாநில ஆக்கி: சென்னை அணி 2-வது வெற்றி

சென்னை,

தமிழ்நாடு விளையாட்டு மேம்பாட்டு ஆணையம் சார்பில், முதல்-அமைச்சர் கோப்பைக்கான மாநில ஆக்கி போட்டி எழும்பூரில் உள்ள மேயர் ராதாகிருஷ்ணன் ஸ்டேடியத்தில் நடந்து வருகிறது. இதில் ஆண்கள் பிரிவில் 2-வது நாளான நேற்று நடந்த ஆட்டம் ஒன்றில் சென்னை அணி 6-0 என்ற கோல் கணக்கில் கடலூரை தோற்கடித்தது. சென்னை அணி பெற்ற 2-வது வெற்றி இதுவாகும். மற்ற ஆட்டங்களில் தூத்துக்குடி அணி 9-0 என்ற கோல் கணக்கில் நாகப்பட்டினத்தையும், மதுரை அணி 5-1 என்ற கோல் கணக்கில் திருவண்ணாமலையையும், தேனி அணி 4-0 என்ற கோல் கணக்கில் தென்காசியையும், நெல்லை அணி 4-0 என்ற கோல் கணக்கில் கிருஷ்ணகிரியையும், நீலகிரி அணி 6-0 என்ற கோல் கணக்கில் விருதுநகரையும், தஞ்சாவூர் அணி 1-0 என்ற கோல் கணக்கில் திருச்சியையும், தர்மபுரி அணி 3-1 என்ற கோல் கணக்கில் கன்னியாகுமரியையும், அரியலூர் அணி 4-0 என்ற கோல் கணக்கில் நாமக்கல்லையும், ராமநாதபுரம் அணி 3-1 என்ற கோல் கணக்கில் திருவள்ளூரையும், வேலூர் மாவட்ட அணி ஷூட்-அவுட்டில் 3-2 என்ற கோல் கணக்கில் செங்கல்பட்டையும், தூத்துக்குடி அணி 3-0 என்ற கோல் கணக்கில் திண்டுக்கல்லையும், மதுரை அணி 4-0 என்ற கோல் கணக்கில் தேனியையும் தோற்கடித்தன.