கல்லூரி அணிகளுக்கான மாநில கைப்பந்து போட்டி சென்னையில் நடக்கிறது

சென்னை,

திருவள்ளூர் மாவட்ட கைப்பந்து சங்கம் சார்பில் தமிழ்நாடு கைப்பந்து சங்கம் ஆதரவுடன் கல்லூரி அணிகளுக்கான 2–வது மாநில கைப்பந்து சாம்பியன்ஷிப் போட்டி சென்னை வில்லிவாக்கத்தில் உள்ள ஐ.சி.எப். ஸ்டேடியத்தில் வருகிற 23–ந் தேதி முதல் 25–ந் தேதி வரை நடக்கிறது. இந்த போட்டியில் கல்லூரிகள், தனியார் பல்கலைக்கழக அணிகள் கலந்து கொள்ளலாம். இந்த போட்டியில் பங்கேற்க விரும்பும் அணிகள் வருகிற 16–ந் தேதி மாலை 5 மணிக்குள் சென்னையில் உள்ள தமிழ்நாடு மாநில கைப்பந்து சங்க அலுவலகத்தில் தங்கள் பெயர்களை பதிவு செய்யலாம் என்று தமிழ்நாடு கைப்பந்து சங்க பொதுச்செயலாளர் ஏ.கே.சித்திரைபாண்டியன் தெரிவித்துள்ளார்.