பிற விளையாட்டு

இந்திய வீராங்கனை மானு பாகெருக்கு இரட்டை தங்கப்பதக்கம் + "||" + Indian veteran Manu Bhagir's double gold medal

இந்திய வீராங்கனை மானு பாகெருக்கு இரட்டை தங்கப்பதக்கம்

இந்திய வீராங்கனை மானு பாகெருக்கு இரட்டை தங்கப்பதக்கம்
ஜூனியர் உலக கோப்பை துப்பாக்கி சுடுதலில் இந்திய வீராங்கனை மானு பாகெர் இரட்டை தங்கப்பதக்கங்களை கைப்பற்றினார்.
சிட்னி,

ஜூனியர் உலக கோப்பை துப்பாக்கி சுடுதல் போட்டி ஆஸ்திரேலியாவின் சிட்னி நகரில் நடந்து வருகிறது. இதில் நேற்று நடந்த பெண்களுக்கான 10 மீட்டர் ஏர் பிஸ்டல் பிரிவில் இந்திய இளம் புயல் மானு பாகெருக்கும், தாய்லாந்தின் கன்யாகோன் ஹிருன்போயமுக்கும் இடையே கடும் போட்டி நிலவியது. 24 ரவுண்ட் சுடக்கூடிய இந்த பிரிவில் ஹிருன்போயமை மயிரிழையில் முந்திய மானு பாகெர் 235.9 புள்ளிகளுடன் முதலிடத்தை பிடித்து தங்கப்பதக்கத்தை தட்டிச்சென்றார். ஹிருன்போயம் 234.9 புள்ளிகளுடன் வெள்ளிப்பதக்கமும், சீனாவின் கைமன் லூ 214.2 புள்ளிகளுடன் வெண்கலப்பதக்கமும் பெற்றனர். இதன் அணிகள் பிரிவில் மானு பாகெர், தேவன்ஷி ராணா, மஹிமா ஆகியோர் கொண்ட இந்திய குழு 1,693 புள்ளிகளை குவித்து புதிய போட்டி சாதனையுடன் தங்கப்பதக்கத்தை வசப்படுத்தியது. 16 வயதான அரியானாவைச் சேர்ந்த மானு பாகெர் சமீபத்தில் சீனியர் உலக கோப்பை துப்பாக்கி சுடுதலில் இரட்டை தங்கப்பதக்கம் வென்று வரலாறு படைத்தது நினைவிருக்கலாம்.


ஆண்களுக்கான 10 மீட்டர் ஏர் பிஸ்டல் பிரிவில் சீன வீரர் ஸிஹாவ் வாங் 242.5 புள்ளிகளுடன் தங்கப்பதக்கமும், இந்திய வீரர் கவுரவ் ராணா 233.9 புள்ளிகளுடன் வெள்ளிப்பதக்கமும் கைப்பற்றினர். இதன் அணிகள் பிரிவில் கவுரவ் ராணா, அர்ஜூன் சிங், அன்மோல் ஆகியோர் கொண்ட இந்திய அணி, சீனாவை பின்னுக்கு தள்ளிவிட்டு 1,718 புள்ளிகளுடன் முதலிடத்தை உறுதி செய்து தங்கப்பதக்கத்தை சொந்தமாக்கியது.

இந்த போட்டியில் சீனா 6 தங்கம், 3 வெள்ளி, 5 வெண்கலத்துடன் மொத்தம் 14 பதக்கங்களுடன் பட்டியலில் முதலிடம் வகிக்கிறது. இந்தியா 5 தங்கம், 2 வெள்ளி, 5 வெண்கலம் என்று மொத்தம் 12 பதக்கங்களுடன் 2-வது இடத்தில் இருக்கிறது.


தொடர்புடைய செய்திகள்

1. பெருந்துறை அருகே வீடு புகுந்து திருடிய 2 பேர் கைது 17¾ பவுன் நகை மீட்பு
பெருந்துறை அருகே வீடு புகுந்து திருடிய 2 பேரை போலீசார் கைது செய்தனர். அவர்களிடம் இருந்து 17¾ பவுன் நகை மீட்கப்பட்டது.
2. சிங்கம்புணரியில் ஓய்வு பெற்ற அரசு அதிகாரி வீட்டில் 15 பவுன் நகை கொள்ளை
சிங்கம் புணரியில் உள்ள ஓய்வு பெற்ற அரசு அதிகாரி வீட்டில் 15 பவுன் நகைகளை மர்மநபர்கள் கொள்ளையடித்து சென்றனர்
3. கோபி பகுதியில் தொடர் திருட்டில் ஈடுபட்ட 3 கொள்ளையர்கள் கைது; 8 பவுன் நகை– மொபட் மீட்பு
கோபி பகுதியில் தொடர் திருட்டில் ஈடுபட்ட 3 கொள்ளையர்களை போலீசார் கைது செய்து, அவர்களிடம் இருந்து 8 பவுன் நகை, ஒரு மொபட்டை மீட்டார்கள்.
4. அவினாசி அருகே வீட்டின் பூட்டை உடைத்து 20 பவுன் நகை, ரூ.1¼ லட்சம் திருட்டு
அவினாசி அருகே பனியன் நிறுவன தொழிலாளி வீட்டின் பூட்டை உடைத்து 20 பவுன்நகை மற்றும் ரூ.1¼ லட்சத்தை மர்ம ஆசாமிகள் திருடி சென்று விட்டனர்.
5. மதுரையில் ஓய்வுபெற்ற ரெயில்வே அதிகாரி வீட்டில் 45 பவுன் நகைகள் கொள்ளை
மதுரையில் ஓய்வுபெற்ற ரெயில்வே அதிகாரி வீட்டில் 45 பவுன் நகைகளை மர்ம ஆசாமிகள் கொள்ளையடித்துச் சென்றனர். இதுதொடர்பாக போலீசார் விசாரணை நடத்தி வருகின்றனர்.