சுவிட்சர்லாந்து ஓபன் பேட்மிண்டன்: இறுதிப்போட்டியில் சாய்பிரனீத் தோல்வி

பாசெல்,

சுவிட்சர்லாந்து ஓபன் சர்வதேச பேட்மிண்டன் போட்டி பாசெல் நகரில் நடந்தது. இதில் ஒற்றையர் பிரிவின் அரைஇறுதியில் ஒலிம்பிக் சாம்பியன் சென் லாங்குக்கு (சீனா) அதிர்ச்சி அளித்த இந்திய வீரர் சாய்பிரனீத், நேற்று இறுதி ஆட்டத்தில் 2-ம் நிலை வீரர் சீனாவின் ஷி யுகியை எதிர்கொண்டார். 68 நிமிடங்கள் நடந்த இந்த ஆட்டத்தில் சாய் பிரனீத் 21-19, 18-21, 12-21 என்ற செட் கணக்கில் போராடி தோல்வி அடைந்தார்.