பிற விளையாட்டு

தெற்காசிய விளையாட்டு போட்டியில் இந்தியாவின் பதக்க வேட்டை தொடருகிறது - ஒரேநாளில் 15 தங்கம் வென்றது + "||" + India's medal hunt continues in the South Asian Games - Won 15 gold in one day

தெற்காசிய விளையாட்டு போட்டியில் இந்தியாவின் பதக்க வேட்டை தொடருகிறது - ஒரேநாளில் 15 தங்கம் வென்றது

தெற்காசிய விளையாட்டு போட்டியில் இந்தியாவின் பதக்க வேட்டை தொடருகிறது - ஒரேநாளில் 15 தங்கம் வென்றது
தெற்காசிய விளையாட்டு போட்டியில் இந்தியாவின் பதக்க வேட்டை தொடருகிறது. நேற்று ஒரேநாளில் 15 தங்கப்பதக்கம் வென்றது.
காத்மண்டு,

13-வது தெற்காசிய விளையாட்டு போட்டி நேபாளத்தில் உள்ள காத்மண்டு, போக்ஹராவில் நடந்து வருகிறது. இந்தியா, இலங்கை, பாகிஸ்தான் உள்பட 7 நாடுகளை சேர்ந்த 2,700 வீரர்-வீராங்கனைகள் பங்கேற்றுள்ளனர்.

இதில் நேற்று நடந்த டேபிள் டென்னிஸ் போட்டியில் ஆண்கள் இரட்டையர் பிரிவின் இறுதி ஆட்டத்தில் இந்தியாவின் ஹர்மீத் தேசாய்-அந்தோணி அமல்ராஜ் ஜோடி 8-11, 11-7, 11-7, 11-5, 8-11, 12-10 என்ற செட் கணக்கில் சக நாட்டு இணையான சனில் ஷெட்டி-சுதன்ஷூ குரோவரை வீழ்த்தி தங்கப்பதக்கத்தை வென்றது.


இதன் பெண்கள் இரட்டையர் பிரிவின் இறுதிசுற்றில் இந்தியாவின் மதுரிகா பத்கர்-ஸ்ரீஜா அகுலா ஜோடி 2-11, 11-8, 11-8, 11-6, 5-11, 11-5 என்ற செட் கணக்கில் சக நாட்டின் சுதிர்தா முகர்ஜி-அஹிகா முகர்ஜி இணையை சாய்த்து தங்கப்பதக்கத்தை தனதாக்கியது. கலப்பு இரட்டையர் பிரிவில் இந்தியாவின் ஹர்மீத் தேசாய்-சுதிர்தா முகர்ஜி இணை அந்தோணி அமல்ராஜ்-அஹிகா முகர்ஜி ஜோடியை வீழ்த்தி தங்கப்பதக்கத்தை கைப்பற்றியது. மேலும் தோல்வியை தழுவிய மூன்று இந்திய ஜோடிகளுக்கும் வெள்ளிப்பதக்கம் கிட்டியது.

தடகள போட்டியில் பெண்களுக்கான 200 மீட்டர் ஓட்டத்தில் இந்திய வீராங்கனை அர்ச்சனா சுசீந்திரன் 23.67 வினாடியில் கடந்து தங்கப்பதக்கம் வென்றார். அவர் முந்தைய நாளில் நடந்த 100 மீட்டர் ஓட்டத்திலும் மகுடம் சூடி இருந்தார். மற்றொரு இந்திய வீராங்கனை சந்திரலேகா (24.37 வினாடி) வெண்கலப்பதக்கம் பெற்றார்.

10 ஆயிரம் மீட்டர் ஓட்டத்தில் இந்திய வீரர் சுரேஷ்குமார் (29 நிமிடம் 32 வினாடி) தங்கப்பதக்கத்தை தட்டிச்சென்றார். நீளம் தாண்டுதலில் இந்திய வீரர்கள் லோகேஷ் சத்யநாதன் (7.87 மீட்டர்) தங்கப்பதக்கமும், தமிழகத்தை சேர்ந்த சுவாமிநாதன் (7.77 மீட்டர்) வெள்ளிப்பதக்கமும் வென்றனர்.

ஆண்களுக்கான வட்டு எறிதலில் இந்திய வீரர்கள் கிர்பால் சிங் (57.88 மீட்டர்) தங்கப்பதக்கமும், ககன்தீப் சிங் (53.57 மீட்டர்) வெள்ளிப்பதக்கமும் வென்றனர். பெண்களுக்கான வட்டு எறிதலில் இந்திய வீராங்கனைகள் நவ்ஜீத் கவுர் (49.87 மீட்டர்) தங்கப்பதக்கமும், சுர்வி பிஸ்வாஸ் (47.47 மீட்டர்) வெள்ளிப்பதக்கமும் கைப்பற்றினர்.

தேக்வாண்டோ போட்டியில் இந்தியாவை சேர்ந்த லைதிகா பண்டாரி (53 கிலோ), ஜர்னல் சிங் (74 கிலோ), ருதாலி பருவா (73 கிலோ) ஆகியோர் தங்கப்பதக்கமும், சவுரவ் (63 கிலோ), கங்ஜோத் (62 கிலோ) ஆகியோர் வெள்ளிப்பதக்கமும் கபளகரம் செய்தனர்.

கோ-கோ இறுதிப்போட்டியில் ஆண்கள் பிரிவில் இந்திய அணி 16-9 என்ற புள்ளி கணக்கில் வங்காளதேசத்தையும், பெண்கள் பிரிவில் இந்திய அணி 17-5 என்ற புள்ளி கணக்கில் நேபாளத்தையும் தோற்கடித்து தங்கப்பதக்கத்தை சொந்தமாக்கியது.

பேட்மிண்டன் போட்டியில் ஆண்கள் ஒற்றையர் பிரிவில் இந்திய வீரர்கள் சிரில் வர்மா, ஆர்யமான் தண்டன் ஆகியோரும், பெண்கள் ஒற்றையர் பிரிவில் இந்திய வீராங்கனைகள் காயத்ரி கோபிசந்த், அஷ்மிதா சாலிஹா ஆகியோரும், பெண்கள் இரட்டையர் பிரிவில் இந்தியாவின் குஹோ கார்க்-அனுஷ்கா பரிக், மேகனா ஜக்கம்புடி-நீலகுர்தி ஜோடியும், கலப்பு இரட்டையர் பிரிவில் துருவ் கபிலா-மேகனா ஜக்கம்புடி ஜோடியும், ஆண்கள் இரட்டையர் பிரிவில் இந்தியாவின் கிருஷ்ணா கார்கா-துருவ் கபிலா ஜோடியும் அரைஇறுதிக்கு முன்னேறின. இதன் மூலம் இந்தியா 8 பதக்கங்களை உறுதி செய்துள்ளது.

நேற்று ஒரேநாளில் இந்தியா 15 தங்கம் உள்பட 29 பதக்கங்களை அறுவடை செய்தது. பதக்கப்பட்டியலில் இந்தியா 32 தங்கம், 26 வெள்ளி, 13 வெண்கலம் என மொத்தம் 71 பதக்கங்களுடன் முதலிடம் வகிக்கிறது. நேபாளம் 29 தங்கம் உள்பட 69 பதக்கத்துடன் 2-வது இடத்தில் இருக்கிறது.


தொடர்புடைய செய்திகள்

1. மீண்டும் மீண்டும் பாகிஸ்தான் வெறுக்க தக்க பேச்சையே பேசுகிறது-ஐநாவில் இந்தியா குற்றச்சாட்டு
மீன் தண்ணீருக்கு செல்வதைப்போல மீண்டும் மீண்டும் பாகிஸ்தான் வெறுக்க தக்க பேச்சையே பேசிவருகிறது என ஐ.நா.வின் இந்திய நிரந்தர துணை தூதர் நாகராஜ் நாயுடு கூறி உள்ளார்.
2. ஜம்மு காஷ்மீர் இந்தியாவின் முடிவுக்கு பதிலளிக்க பாகிஸ்தான் விருப்பம் - அமெரிக்க சிஆர்எஸ் அறிக்கை
ஜம்மு காஷ்மீர் தொடர்பான இந்தியாவின் முடிவுக்கு பதிலளிக்க பாகிஸ்தானுக்கு விருப்பம் உள்ளது என அமெரிக்க பாராளுமன்றத்தின் ஆராய்ச்சி அறிக்கை கூறுகிறது.
3. ஜூனியர் உலக கோப்பை கிரிக்கெட்: ஜப்பானை 41 ரன்னில் சுருட்டி பந்தாடியது இந்தியா
ஜூனியர் உலக கோப்பை கிரிக்கெட் போட்டியில் இந்தியா, அறிமுக அணியான ஜப்பானை 41 ரன்னில் சுருட்டி துவம்சம் செய்தது.
4. கடைசி ஒரு நாள் கிரிக்கெட்டில் ரோகித் சர்மா சதத்தால் இந்தியா அபார வெற்றி: தொடரையும் கைப்பற்றியது
ஆஸ்திரேலியாவுக்கு எதிரான கடைசி ஒரு நாள் கிரிக்கெட் போட்டியில் ரோகித் சர்மாவின் அபார சதத்தின் உதவியுடன் வெற்றி பெற்ற இந்திய அணி தொடரையும் 2-1 என்ற கணக்கில் கைப்பற்றியது.
5. ஆயுதங்கள் வாங்க இலங்கைக்கு இந்தியா ரூ.360 கோடி உதவி: கோத்தபய ராஜபக்சேவிடம் அஜித் தோவல் உறுதி
பாதுகாப்பு படையினருக்கு ஆயுதங்கள் வாங்க இலங்கைக்கு இந்தியா ரூ.360 கோடி நிதி உதவி வழங்கும் என்று கோத்தபய ராஜபக்சேவிடம் அஜித் தோவல் உறுதி அளித்தார்.