பிற விளையாட்டு

மாநில கபடி போட்டி: திருவள்ளூர், ஐ.சி.எப். அணிகள் ‘சாம்பியன்’ + "||" + State Kabaddi Competition Thiruvallur, ICF Teams are champions

மாநில கபடி போட்டி: திருவள்ளூர், ஐ.சி.எப். அணிகள் ‘சாம்பியன்’

மாநில கபடி போட்டி: திருவள்ளூர், ஐ.சி.எப். அணிகள் ‘சாம்பியன்’
வீரன் அழகு முத்துக்கோன் நினைவு மாநில அளவிலான கபடி போட்டி சென்னை எழும்பூரில் உள்ள மேயர் ராதாகிருஷ்ணன் ஸ்டேடியத்தில் கடந்த 3 நாட்கள் நடந்தது.
சென்னை,

நேற்று நடந்த பெண்கள் பிரிவின் இறுதி ஆட்டத்தில் பி.டி.கே. (திருவள்ளூர்)-வி.எம்.பிரதர்ஸ் அணிகள் மோதின. விறுவிறுப்பான இந்த ஆட்டத்தில் பி.டி.கே.அணி 29-24 என்ற புள்ளி கணக்கில் வி.எம்.பிரதர்ஸ் அணியை வீழ்த்தி சாம்பியன் பட்டத்தை கைப்பற்றியது. கபடி ஸ்டார் அணி 3-வது இடத்தையும், சென்னை குயின்ஸ் அணி 4-வது இடத்தையும் பெற்றன. ஆண்கள் பிரிவில் நடந்த இறுதிப்போட்டியில் ஐ.சி.எப். அணி 37-16 என்ற புள்ளி கணக்கில் சென்னை மாநகர போலீஸ் அணியை தோற்கடித்து சாம்பியன் பட்டத்தை தனதாக்கியது. ஜெய் பவானி, ஜாலி பிரண்ட்ஸ் அணிகள் கூட்டாக 3-வது இடத்தை பிடித்தன. பரிசளிப்பு விழாவுக்கு தமிழ்நாடு யாதவ மகாசபை தலைவர் எம்.கோபாலகிருஷ்ணன் தலைமை தாங்கினார். அமைச்சர் கே.ஏ.செங்கோட்டையன் சிறப்பு விருந்தினராக கலந்து கொண்டு வெற்றி பெற்ற அணிகளுக்கு பரிசு வழங்கினார். தமிழ்நாடு யாதவ மகாசபை பொதுச்செயலாளர் செல்வராஜ், பொருளாளர் எத்திராஜ், ஒருங்கிணைப்பாளர் கோபி, நெல்லை பிரண்ட்ஸ் கிளப் செயலாளர் ஏ.கே.சித்திரைபாண்டியன் உள்பட பலர் விழாவில் கலந்து கொண்டனர். ஆண்கள் பிரிவில் சாம்பியன் பட்டம் வென்ற அணிக்கு ரூ.25 ஆயிரமும், 2-வது இடம் பெற்ற அணிக்கு ரூ.20 ஆயிரமும், 3-வது இடம் பிடித்த அணிகளுக்கு தலா ரூ.12,500-ம், பெண்கள் பிரிவில் முதலிடம் பிடித்த அணிக்கு ரூ.20 ஆயிரமும், 2-வது இடம் பெற்ற அணிக்கு ரூ.15 ஆயிரமும், 3-வது இடம் பிடித்த அணிக்கு ரூ.10 ஆயிரமும், 4-வது இடம் பெற்ற அணிக்கு ரூ.5 ஆயிரமும் ரொக்கப்பரிசாக வழங்கப்பட்டது.

தொடர்புடைய செய்திகள்

1. திருவள்ளூர் அருகே வீட்டில் பதுக்கிய ரூ.10 லட்சம் மது பாட்டில்கள் பறிமுதல்
திருவள்ளூர் அருகே பூட்டிய வீட்டில் சட்ட விரோதமாக பதுக்கி வைக்கப்பட்ட ரூ.10 லட்சம் மதிப்பிலான மதுபாட்டில்களை மதுவிலக்கு போலீசார் பறிமுதல் செய்தனர்.
2. சென்னை, காஞ்சீபுரம், திருவள்ளூர், செங்கல்பட்டு மாவட்டங்களில் மின்சார கட்டணம் செலுத்த கால அவகாசம்
சென்னை, காஞ்சீபுரம், திருவள்ளூர் மற்றும் செங்கல்பட்டு மாவட்டங்களுக்கு மின் கட்டணம் செலுத்த கால அவகாசம் வழங்கப்பட்டு உள்ளது. இதுகுறித்து தமிழ்நாடு மின்சார வாரியம் வெளியிட்டுள்ள செய்திக்குறிப்பில் கூறப்பட்டு இருப்பதாவது.
3. காஞ்சீபுரம், திருவள்ளூர், செங்கல்பட்டு மாவட்டங்களில் ரேஷன் கடைகளில் கொரோனா நிவாரண தொகை வினியோகம்
காஞ்சீபுரம், திருவள்ளூர், செங்கல்பட்டு மாவட்டங்களில் உள்ள ரேஷன் கடைகளில் குடும்ப அட்டைதாரர்களுக்கு கொரோனா வைரஸ் நிவாரண உதவித்தொகை வழங்கப்பட்டது.
4. மாநில கபடி போட்டி: கண்ணகி நகர் அணி வெற்றி
மாநில கபடி போட்டியில், கண்ணகி நகர் அணி வெற்றிபெற்றது.
5. சென்னை, திருவள்ளூருக்கு குழாய் வழி கியாஸ் வினியோகம்: அதானி நிறுவன வழக்கு தள்ளுபடி - சுப்ரீம் கோர்ட்டு உத்தரவு
சென்னை, திருவள்ளூருக்கு குழாய் வழி கியாஸ் வினியோகம் செய்வது தொடர்பான, அதானி நிறுவன வழக்கினை தள்ளுபடி செய்து சுப்ரீம் கோர்ட்டு உத்தரவிட்டது.