தரவரிசையில் நீரஜ் சோப்ரா 2-வது இடத்துக்கு முன்னேற்றம்


தரவரிசையில் நீரஜ் சோப்ரா 2-வது இடத்துக்கு முன்னேற்றம்
x
தினத்தந்தி 13 Aug 2021 2:26 AM GMT (Updated: 2021-08-13T07:56:12+05:30)

ஈட்டி எறிதல் வீரருக்கான புதிய தரவரிசை பட்டியலில் நீரஜ் சோப்ரா 2-வது இடத்துக்கு முன்னேறியுள்ளார்.

புதுடெல்லி,

டோக்கியோ ஒலிம்பிக்கில் ஈட்டிஎறிதலில் தங்கப்பதக்கம் வென்று சரித்திர சாதனை நிகழ்த்திய இந்திய வீரர் நீரஜ் சோப்ரா தரவரிசையில் கிடுகிடுவென உயர்ந்துள்ளார். உலக தடகள சம்மேளனம் வெளியிட்டுள்ள ஈட்டி எறிதல் வீரருக்கான புதிய தரவரிசை பட்டியலில் நீரஜ் சோப்ரா 16-ல் இருந்து 2-வது இடத்துக்கு (1,315 புள்ளி) முன்னேறியுள்ளார். அவரது சிறந்த தரநிலை இதுவாகும். மற்றொரு இந்திய வீரர் ஷிவ்பால்சிங் 2 இடம் சரிந்து 20-வது இடத்துக்கு தள்ளப்பட்டார்.

ஒலிம்பிக்கில் சோப்ராவுக்கு சவால்விட்டு சறுக்கலை சந்தித்த ஜெர்மனி வீரர் ஜோகனஸ் வெட்டர் முதலிடத்தில் (1,396 புள்ளி) நீடிக்கிறார். போலந்தின் மார்சின் குருகோவ்ஸ்கி 3-வது இடத்திலும், செக்குடியரசின் ஜாகுப் வாட்லெஜ் 4-வது இடத்திலும், ஜெர்மனியின் ஜூலியன் வெப்பர் 5-வது வது இடத்திலும் உள்ளனர்.

பெண்களுக்கான ஈட்டி எறிதல் தரவரிசையில் இந்திய வீராங்கனை அன்னு ராணி 16-வது இடத்தில் இருக்கிறார். டோக்கியோ ஒலிம்பிக்கில் அன்னுராணி இறுதி சுற்றுக்கு தகுதி பெறவில்லை என்பது குறிப்பிடத்தக்கது.

Next Story