குயின்ஸ் கிளப்: இறுதிப்போட்டிக்கு முன்னேறினார் ஜோகோவிச்

லண்டன்,

லண்டன் நகரில் குயின்ஸ் கிளப் சாம்பியன்ஷிப் பட்டத்திற்கான டென்னிஸ் போட்டிகள் நடைபெற்று வருகின்றன. இதில் நேற்று நடந்த அரையிறுதி ஆட்டத்தில் செர்பியா வீரர் நோவக் ஜோகோவிச், பிரான்ஸ் வீரர் ஜெர்மி சார்டியை எதிர்கொண்டார்.

தொடக்கத்திலிருந்தே இரு வீரர்களும் தங்களது ஆக்ரோஷமான ஆட்டத்தை வெளிப்படுத்தினர். முதல் செட்டை 7-6 (7-5) என போராடி ஜோகோவிச் கைப்பற்றினார். தொடர்ந்து நடைபெற்ற இரண்டாவது செட்டிலும் அனல் பறந்தது. இறுதியில் 7-6 (7-5), 6-4 என்ற நேர் செட்களில்  ஜோகோவிச் வெற்றி பெற்றார்.

இதன்மூலம் இறுதிப்போட்டியில் செர்பியாவின் நோவக் ஜோகோவிச், குரோஷியா வீரர் மரின் சிலிச்-சை எதிர்கொள்கிறார்.