விம்பிள்டன் டென்னிஸ்: பெண்கள் ஒற்றையர் பிரிவில் வோன்ட்ரோசோவா சாம்பியன்..!

லண்டன்,

'கிராண்ட்ஸ்லாம்' போட்டிகளில் ஒன்றான விம்பிள்டன் டென்னிஸ் தொடர் லண்டனில் நடந்து வருகிறது. இதில் பெண்கள் ஒற்றையர் பிரிவில் நடந்த அரைஇறுதியில் தரவரிசையில் 42-வது இடம் வகிக்கும் மார்கெட்டா வோன்ட்ரோசோவா (செக்குடியரசு) 6-3, 6-3 என்ற நேர் செட்டில் எலினா ஸ்விடோலினாவை (உக்ரைன்) வெளியேற்றி முதல்முறையாக இறுதிப்போட்டிக்குள் நுழைந்தார்.

இந்த நிலையில் இன்று நடைபெற்ற இறுதிப்போட்டியில் மார்கெட்டா வோன்ட்ரோசோவா, துனிசியா வீராங்கனை ஒன்ஸ் ஜபீருடன் மோதினார். விறுவிறுப்பாக நடைபெற்ற இந்த போட்டியில் வோன்ட்ரோசோவா 6-4, 6-4 என்ற செட் கணக்கில் ஜபீரை வீழ்த்தி சாம்பியன் பட்டம் வென்றார்.