ஜனாதிபதி ராம்நாத் கோவிந்த் 13-ந் தேதி கர்நாடகம் வருகை
2 நாட்கள் சுற்றுப்பயணமாக ஜனாதிபதி ராம்நாத் கோவிந்த் 13-ந் தேதி கர்நாடகம் வருகை தர உள்ளார்.
பெங்களூரு:
ஜனாதிபதி ராம்நாத் கோவிந்த் 2 நாட்கள் சுற்றுப்பயணமாக வருகிற 13-ந் தேதி கர்நாடகம் வருகிறார். அன்றைய தினம் காலை தனி விமானம் மூலம் பெங்களூரு வரும் அவர், இங்குள்ள ராணுவ பள்ளி வெள்ளி விழாவில் கலந்து கொள்கிறார். அதன் பிறகு அவர் அன்று இரவு கவர்னர் மாளிகையில் தங்குகிறார்.
மறுநாள் அதாவது 14-ந் தேதி கனகபுரா ரோட்டில் உள்ள வைகுண்டமலையில் திருப்பதி திருமலை கோவில் வடிவத்தில் அமைக்கப்பட்டுள்ள இஸ்கான் கோவிலை திறந்து வைக்கிறார். அதன் பிறகு அவர் டெல்லி புறப்பட்டு செல்கிறார். ஜனாதிபதி வருகையை முன்னிட்டு பலத்த போலீஸ் பாதுகாப்பு ஏற்பாடுகள் செய்யப்பட்டு வருகின்றன.