முருகன் மாநாட்டிற்கு சென்னையில் இருந்து ரெயில் சேவை - நயினார் நாகேந்திரன்

மதுரையில் நடைபெற உள்ள முருக பக்தர்கள் மாநாட்டு ஆன்மீக பாடலை இன்று சென்னை பாஜக தலைமை அலுவலகத்தில் மாநிலத் தலைவர் நைனார் நாகேந்திரன் வெளியிட்டார். அருகில் தமிழிசை சவுந்தரராஜன், சுதாகர் ரெட்டி, கரு. நாகராஜன், கராத்தே தியாகராஜன், நாராயணன் திருப்பதி உள்ளிட்ட நிர்வாகிகள் இருந்தனர். முருகன் மாநாட்டிற்காக சென்னையில் இருந்து மதுரைக்கு ஜூன் 21ம் தேதி ரெயில் சேவை ஏற்பாடு செய்யப்பட்டுள்ளது. மதுரையில் இருந்து சென்னை வருவதற்கும் ஜூன் 22ம் தேதி மாலை ரெயில் சேவைக்கு ஏற்பாடு செய்யப்பட்டுள்ளது என்று பாஜக மாநிலத் தலைவர் நயினார் நாகேந்திரன் கூறியுள்ளார்.