துணை ஜனாதிபதி தேர்தல்: இறுதி வேட்பாளர் பட்டியல் வெளியீடு

துணை ஜனாதிபதி தேர்தல் வரும் 9 ஆம் தேதி நடைபெற உள்ள நிலையில் இன்று இறுதி வேட்பாளர் பட்டியல் வெளியிடப்பட்டுள்ளது. துணை ஜனாதிபதி தேர்தலில் தேசிய ஜனநாயக கூட்டணி சார்பில் சிபி ராதாகிருஷ்ணனும், இந்தியா கூட்டணி சார்பில் சுதர்சன் ரெட்டியும்போட்டியிடுகிறார்கள்.

நாடாளுமன்ற வளாகத்தில் உள்ள அறை எண் 104ல் வரும் 9 ஆம் தேதி காலை 10 மணிக்கு வாக்குப்பதிவு தொடங்கும். வாக்குப்பதிவு முடிந்ததும் உடனடியாக வாக்குகள் எண்ணப்பட்டு அன்றைய தினமே முடிவுகள் அறிவிக்கப்படும் என்று தேர்தல் ஆணையம் தெரிவித்துள்ளது. வாக்குச்சீட்டு அடிப்படையில் இந்த தேர்தல் நடைபெறும். துணை ஜனாதிபதி தேர்தலில் நாடாளுமன்ற எம்.பிக்கள் மட்டுமே வாக்களிக்க தகுதியானவர்கள்