சினிமா செய்திகள்

எம்.ஜி.ஆர். கழக தலைவர் ஆர்.எம்.வீரப்பனை சந்தித்து ஆசி பெற்றார் ரஜினிகாந்த் + "||" + Meet RM Veerappan Rajinikanth received a blessing

எம்.ஜி.ஆர். கழக தலைவர் ஆர்.எம்.வீரப்பனை சந்தித்து ஆசி பெற்றார் ரஜினிகாந்த்

எம்.ஜி.ஆர். கழக தலைவர் ஆர்.எம்.வீரப்பனை சந்தித்து ஆசி பெற்றார் ரஜினிகாந்த்
முன்னாள் அமைச்சரும் எம்.ஜி.ஆர். கழக தலைவருமான ஆர்.எம்.வீரப்பனை சந்தித்து ரஜினிகாந்த் ஆசி பெற்றார். #Rajinikanth #RajiniMandram
சென்னை

ஆர்.எம்.வீரப்பன் தனது சத்யா மூவிஸ் பட நிறுவனம் சார்பில் ரஜினிகாந்த்தை வைத்து முதன் முதலில் 1981-ல் ராணுவ வீரன் படத்தை தயாரித்தார். தொடர்ந்து மூன்றுமுகம், தங்கமகன், ஊர்க்காவலன், பணக்காரன், பாஷா (1995) ஆகிய படங்களை தயாரித்தார். பாஷா பட வெற்றி விழாவில் ரஜினி பேசும் போதுதான் தமிழகத்தில் வெடிகுண்டு கலாசாரம் பரவி விட்டதாகவும், இதை ஆட்சியாளர்கள் தடுக்க வேண்டும் என்றும் முதன் முதலில் அரசியல் குரல் எழுப்பினார். அவரது இந்த பேச்சு பின்னாளில் அரசியலில் பெரும் சர்ச்சையை ஏற்படுத்தியது குறிப்பிடத்தக்கது.

இந்த நிலையில் நடிகர் ரஜினிகாந்த் அரசியல் கட்சி தொடங்கி தேர்தலில் போட்டியிடுவேன் என்று அறிவித்துள்ளார். அவர் ஆன்மீக அரசியலில் ஈடுபடுவேன் என்றும் கூறியுள்ளார்.

கட்சி தொடங்குவதற்கான பணியில் ரஜினி மன்ற நிர்வாகிகள் தீவிரமாக ஈடுபட்டுள்ளனர். இந்த நிலையில் ரஜினிகாந்த் நேற்று மாலை தி.மு.க. தலைவர் கருணாநிதியை அவரது கோபாலபுரம் இல்லத்துக்குச் சென்று சந்தித்து ஆசி பெற்றார். அவருக்கு புத்தாண்டு வாழ்த்தும் தெரிவித்தார்.

இன்று மதியம் ரஜினிகாந்த் வள்ளுவர் கோட்டம் பகுதியில் உள்ள முன்னாள் அமைச்சரும், எம்.ஜி.ஆர். கழக தலைவருமான ஆர்.எம்.வீரப்பனை சந்தித்து ஆசி பெற்றார். தனது வீட்டுக்கு வந்த ரஜினியை ஆர்.எம்.வீரப்பன் வரவேற்று அழைத்துச் சென்றார். அவருக்கு ரஜினி பொன்னாடை அணிவித்து வாழ்த்து பெற்றார். இருவரும் சிறிது நேரம் அமர்ந்து அரசியல் நிலவரம் தொடர்பாக பேசிக் கொண்டு இருந்தனர். அப்போது ரஜினிக்கு ஆர்.எம்.வீரப்பன் ஆசி வழங்கியதுடன் சில ஆலோசனைகளையும் தெரிவித்ததாக கூறப்படுகிறது.

தொடர்புடைய செய்திகள்

1. ‘ரஜினிகாந்த் நிலையான அரசியல் கட்சியை நடத்த முடியாது’ ஆர்.எம்.வீரப்பன் பேட்டி
ரஜினிகாந்த் நிலையான அரசியல் கட்சியை நடத்த முடியாது என்று ஆர்.எம்.வீரப்பன் கூறினார்.
2. ரஜினியின் பேட்ட - அஜித்தின் விஸ்வாசம் கூடுதல் வசூல் யார்? அதிகாரபூர்வ அறிவிப்பு
ரஜினியின் பேட்ட, அஜித்தின் விஸ்வாசம் தமிழக பாக்ஸ் ஆபிஸ் கலெக்சன் விவரம் அதிகாரப்பூர்வமாக வெளியிடப்பட்டு உள்ளது.
3. முருகதாஸ் படத்தில் போலீஸ் அதிகாரியாக ரஜினிகாந்த்?
ரஜினிகாந்த் நடிப்பில் ‘2.0’ படத்துக்கு பிறகு ‘பேட்ட’ படம் திரைக்கு வந்து ஓடிக்கொண்டு இருக்கிறது. மீண்டும் ஒரு புதிய படத்தில் நடிக்க தயாராகி உள்ளார்.
4. சென்னை போயஸ் கார்டன் இல்லம் முன் குவிந்த ரசிகர்களுக்கு ரஜினிகாந்த் பொங்கல் வாழ்த்து
சென்னை போயஸ் கார்டன் இல்லம் முன் குவிந்த ரசிகர்களுக்கு ரஜினிகாந்த் இன்று பொங்கல் வாழ்த்தை தெரிவித்தார்.
5. முருகதாஸ் படத்திலும் இளமை தோற்றம் : ரஜினிகாந்த் ஜோடியாக கீர்த்தி சுரேஷ்?
ரஜினிகாந்த் நடிப்பில் ‘2.0’ படத்துக்கு பிறகு ‘பேட்ட’ படம் திரைக்கு வந்துள்ளது. சமீபத்தில் ஓய்வுக்காக அமெரிக்கா சென்றுவிட்டு சென்னை திரும்பிய அவர் தற்போது புதிய படத்தில் நடிக்க தயாராகிறார்.